ਗੁਰਦਾਸਪੁਰ, 15 ਅਗਸਤ 2023
ਡਿਪਟੀ ਕਮਿਸਨਰ, ਗੁਰਦਾਸਪੁਰ ਵੱਲੋਂ ਬਰਸਾਤ ਕਾਰਨ Pong Dam ਤੋਂ ਪਾਣੀ ਛੱਡਣ ਕਰਕੇ ਅਲਰਟ ਜਾਰੀ ਕੀਤਾ ਗਿਆ ਹੈ।
ਬਰਸਾਤ ਜਿਆਦਾ ਹੋਣ ਕਾਰਨ Pong Dam ਤੋਂ ਦਰਿਆਵਾਂ ਵਿੱਚ ਪਾਣੀ ਛੱਡਿਆ ਗਿਆ ਹੈ।
ਇਸ ਲਈ ਸਮੂਹ ਤਹਿਸੀਲਦਾਰਾਂ, ਐਸਡੀਐਮ ਨੂੰ ਕਿਸੇ ਵੀ ਤਰ੍ਹਾਂ ਦੀ ਹੜ੍ਹ ਦੀ ਸਥਿਤੀ ਨਾਲ ਨਜਿੱਠਣ ਲਈ ਸਬੰਧਤ ਸਮਾਨ ਜਿਵੇਂ ਬੇੜੀਆਂ, ਚੱਪੂ, ਲਾਈਫ ਜੈਕਟਾਂ ਆਦਿ ਦੀ ਤਿਆਰੀ ਲਈ ਹੁਕਮ ਜਾਰੀ ਕੀਤੇ ਗਏ ਹਨ। ਦਰਿਆ ਦੇ ਨਜਦੀਕ ਕੋਈ ਵਿਅਕਤੀ ਨਾ ਜਾਵੇ ਇਸ ਸਬੰਧੀ ਪਟਵਾਰੀ ਹਲਕਾ ਰਾਹੀਂ ਪਿੰਡਾਂ ਵਿੱਚ ਮੁਸ਼ਤਰੀ ਮੁਨਾਦੀ ਕਰਵਾਉਣ ਲਈ ਕਿਹਾ ਗਿਆ ਹੈ।
ਇਸ ਤੋਂ ਇਲਾਵਾ ਆਪਣੇ ਆਪਣੇ ਖੇਤਰ ਵਿੱਚ ਪੈਂਦੇ ਰਾਹਤ ਕੇਂਦਰਾਂ ਨਾਲ ਸਬੰਧਤ ਅਫ਼ਸਰਾਂ/ਕਰਮਚਾਰੀਆਂ ਨੂੰ ਵੀ ਅਲਰਟ ਜਾਰੀ ਕਰ , ਹੜ੍ਹ ਦੀ ਕਿਸੇ ਵੀ ਤਰ੍ਹਾਂ ਦੀ ਸਥਿਤੀ ਨਾਲ ਨਿਪਟਨ ਲਈ ਤਿਆਰ ਰਹਿਣ।
