ਮੌਸਮ ਪੰਜਾਬ: ਦੋ ਦਿਨ ਤੇਜ਼ ਤੂਫਾਨ, ਹਨੇਰੀ- ਮੀਂਹ ਦੀ ਸੰਭਾਵਨਾ

 

ਪੰਜਾਬ 'ਚ ਸ਼ਨਿਚਰਵਾਰ ਨੂੰ ਆਏ ਤੂਫ਼ਾਨ, ਹਨੇਰੀ ਅਤੇ ਮੀਂਹ ਪਿੱਛੋਂ ਐਤਵਾਰ ਨੂੰ ਬੇਸ਼ੱਕ ਮੌਸਮ ਸਾਫ ਰਿਹਾ, ਧੁੱਪ ਵੀ ਨਿਕਲੀ ਪਰ ਹਵਾਵਾਂ ਦੇ ਚੱਲਦੇ ਲੋਕਾਂ ਨੇ ਗਰਮੀ ਤੋਂ ਕੁਝ ਰਾਹਤ ਮਹਿਸੂਸ ਕੀਤੀ। ਮੌਸਮ ਵਿਭਾਗ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਮੁਤਾਬਕ ਆਉਣ ਵਾਲੇ 24 ਤੋਂ 48 ਘੰਟਿਆਂ ਦੌਰਾਨ ਤੇਜ਼ ਤੂਫ਼ਾਨ, ਹਨੇਰੀ ਅਤੇ ਮੀਂਹ ਦੀ ਸੰਭਾਵਨਾ ਹੈ। ਉੱਤਰੀ ਭਾਰਤ ਵਿਚ ਜੋ ਗਰਮੀ ਪੈ ਰਹੀ ਸੀ ਮੋਸਮ ਉਸ ਦੇ ਅਨੁਕੂਲ ਹੈ।ਜੇ ਉੱਤਰੀ ਭਾਰਤ ਵਿਚ ਵੱਧ ਗਰਮੀ ਪੈਂਦੀ ਹੈ ਤਾਂ ਘੱਟ ਦਬਾਅ ਬਣਦਾ ਹੈ ਤੇ ਹਵਾਵਾਂ ਚੱਲਦੀਆਂ ਹਨ। ਪੰਜਾਬ ਵਿਚ ਮਾਨਸੂਨ ਦੇ ਆਉਣ ਸਬੰਧੀ ਗੱਲ ਕਰਦੇ ਹੋਏ ਉਨ੍ਹਾਂ ਦੱਸਿਆ ਕਿ  ਜੂਨ  ਦੇ ਆਖ਼ਰੀ ਹਫ਼ਤੇ ਤਕ ਮਾਨਸੂਨ ਦੇ ਪੰਜਾਬ ੧ ਵਿਚ ਪੁੱਜਣ ਦੀ ਸੰਭਾਵਨਾ ਹੈ।

ਵੈਸਟਰਨ ਡਿਸਟ੍ਬੇਂਸ ਦੇ ਪ੍ਰਭਾਵ ਹੇਠ, ਆਗਾਮੀ 24 ਤੋਂ 48 ਘੰਟਿਆਂ ਦੌਰਾਨ ਪੰਜਾਬ ਦੇ ਜਿਆਦਾਤਰ ਇਲਾਕਿਆਂ ਚ ਹਨੇਰੀ-ਝੱਖੜ ਤੇ ਗਰਜ ਨਾਲ ਹਲਕੀਆਂ-ਦਰਮਿਆਨੀਆਂ ਬਰਸਾਤੀ ਕਾਰਵਾਈਆਂ ਦੀ ਉਮੀਦ ਹੈ। ਜਿਸਦੀ ਤੀਬਰਤਾ ਮਾਲਵਾ ਡਿਵੀਜ਼ਨ ਖਾਸਕਰ ਫਾਜਿਲਕਾ, ਅਬੋਹਰ, ਮੁਕਤਸਰ, ਫਰੀਦਕੋਟ, ਬਠਿੰਡਾ ਚ ਵਧੀਕ ਰਹੇਗੀ। ਹਵਾ ਦੀ ਰਫਤਾਰ 70-90km/h ਤੱਕ ਰਹਿ ਸਕਦੀ ਹੈ, ਜਿਸ ਨਾਲ ਨੁਕਸਾਨ ਦੀ ਸੰਭਾਵਨਾ ਬਣੀ ਹੋਈ ਹੈ। ਅਜਿਹੀ ਸਥਿਤੀ ਚ 2-3 ਘੰਟਿਆਂ ਚ ਹੀ ਪਾਰੇ ਚ 14-15° ਦੀ ਗਿਰਾਵਟ ਦੀ ਸੰਭਾਵਨਾ ਵੀ ਰਹੇਗੀ। ਜਿਕਰਯੋਗ ਹੈ ਕਿ 28-29 ਮਈ ਨੂੰ ਚੜੀ ਰਾਤਾਂ ਦੀ ਗਰਮੀ ਕਾਰਨ ਪੰਜਾਬ-ਰਾਜਸਥਾਨ ਸਰਹੱਦ ਤੇ ਆਸਪਾਸ ਚੱਕਰਵਾਤੀ ਹਵਾਵਾਂ ਦਾ ਖੇਤਰ ਬਣਿਆਂ ਹੋਇਆ ਹੈ। ਜਿਸ ਕਰਕੇ ਬੀਤੇ ਕਈ ਦਿਨਾਂ ਤੋਂ ਸੂਬੇ ਚ ਪੁਰਾ ਖੁੱਲ੍ਹਿਆ ਹੋਇਆ ਹੈ ਤੇ ਕੱਲ੍ਹ ਸ਼ਨੀਵਾਰ ਦੇਰ ਸ਼ਾਮ ਪੰਜਾਬ ਦੀ ਹਿਮਾਚਲ ਬੈਲਟ ਚ ਹਨੇਰੀ-ਝੱਖੜ ਨਾਲ਼ ਮੀਂਹ ਦਰਜ ਹੋਇਆ।