PSEB CLASS 6 PUNJABI GUESS PAPER MARCH 2026

ਪੰਜਾਬ ਸਕੂਲ ਸਿੱਖਿਆ ਬੋਰਡ

ਨਮੂਨੇ ਦਾ ਪ੍ਰਸ਼ਨ-ਪੱਤਰ (Guess Paper) 2025-26

ਜਮਾਤ: ਛੇਵੀਂ | ਵਿਸ਼ਾ: ਪੰਜਾਬੀ (ਪਹਿਲੀ ਭਾਸ਼ਾ)

ਸਮਾਂ: 3 ਘੰਟੇ ਕੁੱਲ ਅੰਕ: 100 (ਲਿਖਤੀ: 80, ਆਂਤਰਿਕ: 20)

(ਭਾਗ ੳ) - ਵਸਤੂਨਿਸ਼ਠ ਪ੍ਰਸ਼ਨ (30 ਅੰਕ)

ਪ੍ਰਸ਼ਨ 1. ਹੇਠ ਲਿਖੇ ਪੈਰੇ ਨੂੰ ਪੜ੍ਹ ਕੇ ਪ੍ਰਸ਼ਨਾਂ ਦੇ ਸਹੀ ਉੱਤਰ ਲਿਖੋ : (5 ਅੰਕ)

ਰਸੋਈ ਦੀ ਅਲਮਾਰੀ ਵਿੱਚ ਇਲਾਚੀ, ਸੌਂਫ, ਜਵੈਣ, ਅੰਬਚੂਰ ਤੇ ਅਨਾਰਦਾਣਾ ਵੱਖ-ਵੱਖ ਲਿਫ਼ਾਫ਼ਿਆਂ ਅੰਦਰ ਬੈਠੇ ਰਹਿੰਦੇ ਸਨ। ਜਦੋਂ ਮਈ ਦਾ ਮਹੀਨਾ ਆਇਆ, ਦੁਪਹਿਰ ਵੇਲ਼ੇ ਇਲਾਚੀ ਨੂੰ ਬੜੀ ਗਰਮੀ ਲੱਗੀ। ਉਹ ਸਭ ਤੋਂ ਜਲਦੀ ਲਿਫ਼ਾਫ਼ੇ ਵਿੱਚੋਂ ਬਾਹਰ ਆ ਗਈ। ਫੇਰ ਸੌਂਫ ਨੂੰ ਵੀ ਗਰਮੀ ਲੱਗੀ ਤੇ ਜਵੈਣ ਨੂੰ ਵੀ ਗਰਮੀ ਲੱਗੀ, ਅੰਬਚੂਰ ਤੇ ਅਨਾਰਦਾਣੇ ਨੂੰ ਵੀ ਗਰਮੀ ਲੱਗੀ। ਸਾਰੇ ਹੀ ਲਿਫ਼ਾਫ਼ਿਆਂ ਵਿੱਚੋਂ ਨਿਕਲ ਆਏ। ਨੇੜੇ ਢੱਕਣ ਉੱਤੇ ਪੂਦਨਾ ਪਿਆ ਸੀ। ਪੂਦਨੇ ਨੂੰ ਵੀ ਢੱਕਣ ਬੜਾ ਗਰਮ ਲੱਗਾ। ਪੂਦਨਾ ਢੱਕਣ ਉੱਤੋਂ ਉੱਤਰ ਕੇ ਆਪਣੇ ਬੇਲੀ ਅਨਾਰਦਾਣੇ ਕੋਲ ਆ ਗਿਆ। ਇਲਾਚੀ ਆਪਣੇ-ਆਪ ਨੂੰ ਇਹਨਾਂ ਸਭਨਾਂ ਵਿੱਚੋਂ ਉੱਤਮ ਸਮਝਦੀ ਸੀ। ਉਹ ਕਹਿਣ ਲੱਗੀ, “ਮੈਂ ਬੜੀ ਸੁੰਦਰ ਹਾਂ। ਗੁਣਾਂ ਵਿੱਚ ਵੀ ਸਭ ਤੋਂ ਚੰਗੀ ਹਾਂ। ਤੁਸੀਂ ਮੇਰੇ ਨੇੜੇ ਬੈਠੇ ਚੰਗੇ ਨਹੀਂ ਲੱਗਦੇ। ਮੈਂ ਤੁਹਾਡੇ ਵਿੱਚੋਂ ਸਭ ਤੋਂ ਮਹਿੰਗੀ ਹਾਂ। ਸ਼ਰਬਤ ਬਣਾਓ ਤਾਂ ਮੈਨੂੰ ਵਿੱਚ ਪਾ ਲਓ। ਮੈਂ ਤਾਂ ਚੰਗੀਆਂ-ਚੰਗੀਆਂ ਮਿਠਿਆਈਆਂ ਵਿੱਚ ਪੈ ਜਾਂਦੀ ਹਾਂ।” ਸੌਂਫ ਤੇ ਜਵੈਣ ਇਕੱਠੀਆਂ ਬੈਠੀਆਂ ਸਨ। ਜਵੈਣ ਨੇ ਸੌਂਫ ਨੂੰ ਕਿਹਾ, “ਦੇਖ ਭੈਣੇ, ਅੱਜ ਇਲਾਚੀ ਨੂੰ ਕੀ ਗਰਮੀ ਚੜ੍ਹ ਗਈ ਏ? ਕਹਿੰਦੀ ਏ ਅਸੀਂ ਇਹਦੇ ਨੇੜੇ ਨਾ ਬੈਠੀਏ, ਕਿਤੇ ਦੂਰ ਚਲੀਆਂ ਜਾਈਏ। ਵੱਡੀ ਗੁਣਾਂ ਵਾਲੀ। ਜਦੋਂ ਢਿੱਡ-ਪੀੜ ਹੋਵੇ, ਉਦੋਂ ਇਲਾਚੀ ਨੂੰ ਕੋਈ ਨਹੀਂ ਪੁੱਛਦਾ। ਸਾਰੇ ਤੈਨੂੰ ਜਾਂ ਮੈਨੂੰ ਹੀ ਖਾਂਦੇ ਨੇ, ਜੇ ਇਤਬਾਰ ਨਹੀਂ ਤਾਂ ਹਕੀਮਾਂ, ਵੈਦਾਂ ਕੋਲੋਂ ਇਹ ਸਾਡੇ ਗੁਣ ਪੁੱਛ ਕੇ ਦੇਖ ਲਵੇ।”

1. ਇਲਾਚੀ, ਸੌਂਫ, ਜਵੈਣ ਤੇ ਅੰਬਚੂਰ ਕਿਸ ਵਿੱਚ ਬੰਦ ਸਨ?
   ੳ. ਢੱਕਣ ਵਿੱਚ    ਅ. ਲਿਫ਼ਾਫ਼ਿਆਂ ਵਿੱਚ    ੲ. ਅਲਮਾਰੀ ਵਿੱਚ    ਸ. ਮਿਠਿਆਈਆਂ ਵਿੱਚ
2. ਪੂਦਨਾ ਕਿਸ ਉੱਪਰ ਪਿਆ ਸੀ?
   ੳ. ਅਲਮਾਰੀ ਉੱਪਰ    ਅ. ਲਿਫ਼ਾਫ਼ੇ ਉੱਪਰ    ੲ. ਢੱਕਣ ਉੱਪਰ    ਸ. ਅਨਾਰਦਾਣੇ ਉੱਪਰ
3. ਕੌਣ ਆਪਣੇ-ਆਪ ਨੂੰ ਸਭ ਤੋਂ ਉੱਤਮ ਸਮਝਦਾ ਸੀ?
   ੳ. ਸੌਂਫ    ਅ. ਜਵੈਣ    ੲ. ਇਲਾਚੀ    ਸ. ਅਨਾਰਦਾਣਾ
4. ਪੂਦਨੇ ਦਾ ਬੇਲੀ ਕੌਣ ਸੀ?
   ੳ. ਅੰਬਚੂਰ    ਅ. ਅਨਾਰਦਾਣਾ    ੲ. ਢੱਕਣ    ਸ. ਸ਼ਰਬਤ
5. ਕਿਹੜਾ ਮਹੀਨਾ ਚੱਲ ਰਿਹਾ ਸੀ?
   ੳ. ਜਨਵਰੀ    ਅ. ਮਈ    ੲ. ਮਾਰਚ    ਸ. ਅਗਸਤ

ਪ੍ਰਸ਼ਨ 2. ਹੇਠ ਲਿਖੇ ਪੈਰੇ ਨੂੰ ਪੜ੍ਹ ਕੇ ਪ੍ਰਸ਼ਨਾਂ ਦੇ ਸਹੀ ਉੱਤਰ ਲਿਖੋ : (5 ਅੰਕ)

ਮਾਸਟਰ ਜੀ ਨੇ ਬੱਚਿਆਂ ਨੂੰ ਬੈਠਣ ਦਾ ਇਸ਼ਾਰਾ ਕੀਤਾ ਅਤੇ ਕਹਿਣ ਲੱਗੇ, “ਬਾਬਾ ਜੀ, ਤੁਹਾਨੂੰ ਤਾਂ ਪਤੈ…ਇਹ ਪਲਾਸਟਿਕ ਦੇ ਲਿਫ਼ਾਫ਼ੇ ਸਾਰੇ ਵਾਤਾਵਰਨ ਨੂੰ ਦੂਸ਼ਿਤ ਕਰਦੇ ਹਨ। ਇਹ ਨਾ ਗਲਦੇ ਹਨ ਅਤੇ ਨਾ ਹੀ ਸੜਦੇ ਹਨ। ਉੱਡ ਕੇ ਇਹ ਨਾਲੀਆਂ ਵਿੱਚ ਚਲੇ ਜਾਂਦੇ ਹਨ ਅਤੇ ਪਾਣੀ ਦਾ ਰਸਤਾ ਰੋਕ ਦਿੰਦੇ ਹਨ। ਨਾਲੀਆਂ ਦਾ ਗੰਦਾ ਪਾਣੀ ਗਲੀਆਂ ਵਿੱਚ ਇਕੱਠਾ ਹੋ ਜਾਂਦਾ ਹੈ ਅਤੇ ਫਿਰ ਸਭ ਪਾਸੇ ਸੜ੍ਹਾਂਦ ਮਾਰਦਾ ਹੈ।” “ਓ-ਹੋ, ਹੁਣ ਸਮਝ ਆਈ ਕਿ ਪਿੰਡ ਦੀਆਂ ਨਾਲੀਆਂ ਬੰਦ ਕਿਉਂ ਰਹਿੰਦੀਆਂ ਨੇ?” ਬਾਬਾ ਜੀ ਨੇ ਸਿਰ ਹਿਲਾਉਂਦੇ ਹੋਏ ਆਖਿਆ। ਫਿਰ ਮੱਥੇ ’ਤੇ ਹੱਥ ਫੇਰਦੇ ਹੋਏ ਉਹ ਥੋੜ੍ਹੀ ਦੇਰ ਰੁਕ ਕੇ ਬੋਲੇ .... “ਹਾਂ ਚੇਤੇ ਆਈ ਗੱਲ। ਉਸ ਦਿਨ ਮੈਂ ਖੇਤਾਂ ਨੂੰ ਪਾਣੀ ਲਾ ਰਿਹਾ ਸਾਂ ... ਪਾਣੀ ਤਾਂ ਕੀੜੀ ਦੀ ਚਾਲ ਤੁਰਿਆ ਆ ਰਿਹਾ ਸੀ। ਵੇਖਿਆ ਤਾਂ ਖਾਲ ਵਿੱਚ ਮੋਮਜਾਮੇ ਦੇ ਲਿਫ਼ਾਫ਼ੇ ਫਸੇ ਪਏ ਸਨ। ਲਿਫ਼ਾਫ਼ੇ ਬਾਹਰ ਕੱਢੇ ਤਾਂ ਜਾ ਕੇ ਖੇਤਾਂ ਨੂੰ ਪਾਣੀ ਤੁਰਿਆ।” “ਬਾਬਾ ਜੀ, ਇਹ ਲਿਫ਼ਾਫ਼ੇ ਖਾ ਕੇ ਕਈ ਡੰਗਰ ਵੀ ਮਰ ਜਾਂਦੇ ਨੇ”, ਗੁਰਦੀਪ ਬੋਲਿਆ। “ਹੈਂ! ਇਹ ਵੀ ਹੋ ਸਕਦੈ?” ਬਾਬਾ ਜੀ ਇਹ ਗੱਲ ਮੰਨਣ ਨੂੰ ਤਿਆਰ ਨਹੀਂ ਸਨ। “ਗੁਰਦੀਪ ਠੀਕ ਕਹਿ ਰਿਹਾ ਏ ਬਾਬਾ ਜੀ! ਲੋਕੀ ਘਰ ਦਾ ਸਾਰਾ ਕੂੜਾ-ਕਰਕਟ, ਕੱਚ, ਬਲੇਡ, ਸੂਈਆਂ, ਪਿੰਨ ਆਦਿ ਲਿਫ਼ਾਫ਼ੇ ਵਿੱਚ ਬੰਦ ਕਰਕੇ ਬਾਹਰ ਸੁੱਟ ਦਿੰਦੇ ਹਨ। ਡੰਗਰ ਭੋਜਨ ਦੀ ਤਲਾਸ਼ ਕਰਦੇ ਇਹ ਲਿਫ਼ਾਫ਼ੇ ਖੋਲ੍ਹ ਲੈਂਦੇ ਹਨ ਅਤੇ ਕੱਚ ਤੇ ਬਲੇਡ ਵਰਗੀਆਂ ਤਿੱਖੀਆਂ ਚੀਜ਼ਾਂ ਦੁਆਰਾ ਜ਼ਖ਼ਮੀ ਹੋ ਜਾਂਦੇ ਹਨ। ਕਈ ਵਾਰ ਇਹ ਲਿਫ਼ਾਫ਼ੇ ਭੋਜਨ-ਨਲੀ ਵਿੱਚ ਅਟਕ ਜਾਂਦੇ ਹਨ ਅਤੇ ਡੰਗਰ ਦੀ ਮੌਤ ਹੋ ਜਾਂਦੀ ਹੈ।”

1. ਪਿੰਡ ਦੀਆਂ ਗਲੀਆਂ ਕਿਉਂ ਬੰਦ ਹੁੰਦੀਆਂ ਹਨ?
   ੳ. ਵਾਤਾਵਰਨ ਕਰਕੇ    ਅ. ਪਾਣੀ ਕਰਕੇ    ੲ. ਲਿਫ਼ਾਫ਼ਿਆਂ ਕਰਕੇ    ਸ. ਮੀਂਹ ਕਰਕੇ
2. ਬਾਬੇ ਨੂੰ ਕਿਹੜੀ ਗੱਲ ਚੇਤੇ ਆਈ?
   ੳ. ਖੇਤ ਪਾਣੀ ਲਗਾਉਣ ਵਾਲੀ    ਅ. ਲਿਫ਼ਾਫ਼ੇ ਇਕੱਠੇ ਕਰਨ ਵਾਲੀ    ੲ. ਬੱਚਿਆਂ ਦੀ ਪੜ੍ਹਾਈ ਵਾਲੀ    ਸ. ਡੰਗਰਾਂ ਵਾਲੀ
3. ਲਿਫ਼ਾਫ਼ੇ ਖਾਣ ਨਾਲ ਕਿਨ੍ਹਾਂ ਦੀ ਮੌਤ ਹੋ ਜਾਂਦੀ ਹੈ?
   ੳ. ਡੰਗਰਾਂ ਦੀ    ਅ. ਮਨੁੱਖਾਂ ਦੀ    ੲ. ਬੱਚਿਆਂ ਦੀ    ਸ. ਪੰਛੀਆਂ ਦੀ
4. ਸਾਨੂੰ ਲਿਫ਼ਾਫ਼ਿਆਂ ਵਿੱਚ ਕੀ ਨਹੀਂ ਸੁੱਟਣਾ ਚਾਹੀਦਾ?
   ੳ. ਖਾਣਾ    ਅ. ਕੱਚ, ਬਲੇਡ ਤੇ ਤਿੱਖੀਆਂ ਚੀਜ਼ਾਂ    ੲ. ਕੂੜਾ-ਕਰਕਟ    ਸ. ਪਾਣੀ
5. ਕਈ ਵਾਰ ਲਿਫ਼ਾਫ਼ੇ ………… ਵਿੱਚ ਅਟਕ ਜਾਂਦੇ ਹਨ?
   ੳ. ਭੋਜਨ-ਨਲੀ    ਅ. ਵਾਤਾਵਰਨ ’ਚ    ੲ. ਪਾਣੀ ’ਚ    ਸ. ਕੂੜਾ-ਕਰਕਟ ’ਚ

ਪ੍ਰਸ਼ਨ 3. ਹੇਠ ਲਿਖੇ ਬਹੁਵਿਕਲਪੀ ਪ੍ਰਸ਼ਨਾਂ ਦੇ ਸਹੀ ਉੱਤਰ ਲਿਖੋ : (5 ਅੰਕ)

1. ਪੰਜਾਬੀ ਲਿਪੀ ਵਿੱਚ ਕੁੱਲ ਕਿੰਨੇ ਅੱਖਰ ਹਨ?
   ੳ. 35    ਅ. 36    ੲ. 41    ਸ. 42
2. ‘ਮੈਂ ਕੱਲ੍ਹ ਸ਼ਿਮਲਾ ਗਿਆ।’ ਵਿੱਚੋਂ ਨਾਂਵ ਚੁਣੋ।
   ੳ. ਮੈਂ    ਅ. ਕੱਲ੍ਹ    ੲ. ਸ਼ਿਮਲਾ    ਸ. ਗਿਆ
3. ਪੜਨਾਂਵ ਕਿੰਨੀ ਕਿਸਮ ਦੇ ਹੁੰਦੇ ਹਨ?
   ੳ. 4    ਅ. 5    ੲ. 6    ਸ. 7
4. ਗੱਲ ਕਰਨ ਵਾਲਾ ਪੁਰਖ .................. ਹੁੰਦਾ ਹੈ।
   ੳ. ਉੱਤਮ ਪੁਰਖ ਜਾਂ ਪਹਿਲਾ ਪੁਰਖ    ਅ. ਮੱਧਮ ਪੁਰਖ ਜਾਂ ਦੂਜਾ ਪੁਰਖ    ੲ. ਅਨਯ ਪੁਰਖ ਜਾਂ ਤੀਜਾ ਪੁਰਖ    ਸ. ਉਪਰੋਕਤ ਵਿੱਚੋਂ ਕੋਈ ਨਹੀਂ
5. ਵਾਕ ਵਿੱਚ ਜੋ ਕੰਮ ਕਰਦਾ ਹੈ, ਉਸ ਨੂੰ ਕੀ ਕਹਿੰਦੇ ਹਨ?
   ੳ. ਕਿਰਿਆ    ਅ. ਕਰਤਾ    ੲ. ਕਰਮ    ਸ. ਯੋਜਕ

ਪ੍ਰਸ਼ਨ 4. ਹੇਠ ਲਿਖੇ ਵਸਤੂਨਿਸ਼ਠ ਪ੍ਰਸ਼ਨਾਂ ਦੇ ਸਹੀ ਉੱਤਰ ਲਿਖੋ : (5 ਅੰਕ)

1. ਨਾਂਵ ਦੀਆਂ ਕਿੰਨੀਆਂ ਕਿਸਮਾਂ ਹੁੰਦੀਆਂ ਹਨ?
2. ਪੰਜਾਬੀ ਲਿਪੀ ਵਿੱਚ ਅਨੁਨਾਸਕੀ ਵਿਅੰਜਨ ਕਿੰਨੇ ਹਨ?
3. ਦੁੱਤ ਅੱਖਰ ਕਿਹੜੇ ਹੁੰਦੇ ਹਨ?
4. ਕਾਲ ਕਿੰਨੇ ਪ੍ਰਕਾਰ ਦਾ ਹੁੰਦਾ ਹੈ?
5. ਵਿਸ਼ੇਸ਼ਣ ਦੀਆਂ ਕਿੰਨੀਆਂ ਕਿਸਮਾਂ ਹਨ?

ਪ੍ਰਸ਼ਨ 5. ਹੇਠ ਲਿਖੇ ਵਾਕ ਪੜ੍ਹ ਕੇ ਖ਼ਾਲੀ ਥਾਂਵਾਂ ਭਰੋ ਜਾਂ ਸਹੀ ਵਿਕਲਪ ਚੁਣੋ : (5 ਅੰਕ)

1. ‘ਉੱਚਾ’ ਦਾ ਵਿਰੋਧੀ ਸ਼ਬਦ ਕਿਹੜਾ ਹੈ?
   ੳ. ਛੇਤੀ    ਅ. ਜਬਦੇ    ੲ. ਹੌਲੀ    ਸ. ਨੀਵਾਂ
2. ਉਹ ਥਾਂ ਜਿੱਥੇ ਘੋੜੇ ਬੱਝਦੇ ਹੋਣ, ਨੂੰ ........ ਕਿਹਾ ਜਾਂਦਾ ਹੈ।
   ੳ. ਸ਼ਾਮਲਾਟ    ਅ. ਟਕਸਾਲ    ੲ. ਤਬੇਲਾ    ਸ. ਉਪਰੋਕਤ ਵਿੱਚੋਂ ਕੋਈ ਨਹੀਂ
3. ‘ਉੱਲੂ ਸਿੱਧਾ ਕਰਨਾ’ ਮੁਹਾਵਰੇ ਦਾ ਕੀ ਅਰਥ ਹੈ?
   ੳ. ਨਿਰਾਦਰ ਕਰਨਾ    ਅ. ਚਲਾਕੀ ਕਰਨਾ    ੲ. ਮਤਲਬ ਕੱਢਣਾ    ਸ. ਉਪਰੋਕਤ ਵਿੱਚੋਂ ਕੋਈ ਨਹੀਂ
4. ਅਖਾਣ ਪੂਰਾ ਕਰੋ - ਉਹ ਕਿਹੜੀ ਗਲੀ ..................
   ੳ. ਜਦ ਘੋੜੀ ਚੜ੍ਹਿਆ ਕੁੱਬਾ    ਅ. ਮੈਂ ਲਾੜੇ ਦੀ ਤਾਈ    ੲ. ਪੱਖੇ ਅੱਗੇ ਪੌਣ    ਸ. ਜਿੱਥੇ ਭਾਗੋ ਨਹੀਂ ਖਲੀ
5. ‘ਸਿੱਧਾ’ ਸ਼ਬਦ ਦਾ ਵਿਰੋਧੀ ਸ਼ਬਦ ਚੁਣੋ?
   ੳ. ਪੁੱਠਾ    ਅ. ਗਿੱਲਾ    ੲ. ਗ਼ਲਤ    ਸ. ਗੁਪਤ

ਪ੍ਰਸ਼ਨ 6. ਸਹੀ ਮਿਲਾਣ ਕਰੋ (ਵਿਰੋਧੀ ਸ਼ਬਦ) : (5 ਅੰਕ)

• 1. ਉੱਚਾ       (ੳ) ਆਲਸੀ
• 2. ਏਕਤਾ      (ਅ) ਰੋਣਾ
• 3. ਹੱਸਣਾ      (ੲ) ਫੁੱਟ
• 4. ਉੱਦਮੀ      (ਸ) ਪੁੱਠਾ
• 5. ਸਿੱਧਾ        (ਹ) ਨੀਵਾਂ

---

(ਭਾਗ ਅ) (50 ਅੰਕ)

ਪ੍ਰਸ਼ਨ 7. ਹੇਠ ਲਿਖੀਆਂ ਸਤਰਾਂ ਵਿੱਚੋਂ ਕਿਸੇ ਇੱਕ ਦੇ ਭਾਵ-ਅਰਥ ਲਿਖੋ : (04 ਅੰਕ)

(ਨੋਟ: ਵਿਦਿਆਰਥੀ ਆਪਣੀ 6ਵੀਂ ਦੀ ਪਾਠ-ਪੁਸਤਕ ਵਿੱਚ ਦਰਜ ਕਵਿਤਾਵਾਂ ਵਿੱਚੋਂ ਤਿਆਰੀ ਕਰਨ।)

ਪ੍ਰਸ਼ਨ 8. ਹੇਠ ਲਿਖੇ ਪ੍ਰਸ਼ਨਾਂ ਵਿੱਚੋਂ ਕਿਸੇ ਪੰਜ ਦੇ ਉੱਤਰ ਲਿਖੋ : (2x5=10 ਅੰਕ)

1. ਸ. ਭਗਤ ਸਿੰਘ ਅਤੇ ਸੁਖਦੇਵ ਦਾ ਜਨਮ ਕਦੋਂ ਹੋਇਆ?
2. ਬਾਬੇ ਨੂੰ ਕਿਹੜੀ ਗੱਲ ਚੇਤੇ ਆਈ?
3. ਥਾਲ ਪੰਜਾਬੀ ਕੁੜੀਆਂ ਦੀ ਕਿਹੜੀ ਖੇਡ ਹੈ?
4. ਕਬੀਰ ਜੀ ਦੇ ਮਾਤਾ-ਪਿਤਾ ਕੀ ਕੰਮ ਕਰਦੇ ਸਨ?
5. ਭਾਈ ਘਨੱਈਆ ਜੀ ਨੇ ਕਿਨ੍ਹਾਂ ਦਾ ਜਥਾ ਤਿਆਰ ਕੀਤਾ?
6. ਡਾ. ਭੀਮ ਰਾਓ ਅੰਬੇਦਕਰ ਵਿਧਾਨ ਪ੍ਰੀਸ਼ਦ ਮੁੰਬਈ ਦੇ ਮੈਂਬਰ ਕਦੋਂ ਚੁਣੇ ਗਏ?
7. ਅਜਿੰਦਰ ਕੌਰ ਨੂੰ ਅਰਜਨ ਐਵਾਰਡ ਕਦੋਂ ਮਿਲਿਆ?

ਪ੍ਰਸ਼ਨ 9. ਹੇਠ ਲਿਖੇ ਮੁਹਾਵਰਿਆਂ/ਅਖਾਣਾਂ ਵਿੱਚੋਂ ਕਿਸੇ ਪੰਜ ਨੂੰ ਵਾਕਾਂ ਵਿੱਚ ਵਰਤੋ : (2x5=10 ਅੰਕ)

ਉੱਲੂ ਸਿੱਧਾ ਕਰਨਾ, ਉੱਨੀ-ਇੱਕੀ ਦਾ ਫ਼ਰਕ ਹੋਣਾ, ਉਸਤਾਦੀ ਕਰਨਾ, ਅੱਖਾਂ ਵਿੱਚ ਰੜਕਣਾ, ਅੱਖਾਂ ਮੀਟ ਜਾਣਾ, ਅੰਗੂਠਾ ਦਿਖਾਉਣਾ, ਅਕਲ ਦਾ ਵੈਰੀ, ਉਲਟੀ ਵਾੜ ਖੇਤ ਨੂੰ ਖਾਏ।

ਪ੍ਰਸ਼ਨ 10. ‘ਮੈਂ ਕੱਲ੍ਹ ਸ਼ਿਮਲਾ ਗਿਆ।’ ਇਸ ਵਾਕ ਵਿੱਚੋਂ ਨਾਂਵ ਸ਼ਬਦ ਚੁਣੋ। (02 ਅੰਕ)

ਪ੍ਰਸ਼ਨ 11. ਹੇਠ ਲਿਖਿਆਂ ਵਿੱਚੋਂ ਕਿਸੇ ਇੱਕ ਵਿਸ਼ੇ ਤੇ ਲੇਖ ਲਿਖੋ : (10 ਅੰਕ)

ਮਹਾਤਮਾ ਗਾਂਧੀ, ਸ਼ਹੀਦ ਭਗਤ ਸਿੰਘ, ਡਾ. ਭੀਮ ਰਾਓ ਅੰਬੇਦਕਰ, ਅੱਖੀਂ ਡਿੱਠਾ ਮੇਲਾ, ਵਿੱਦਿਅਕ ਟੂਰ।

ਪ੍ਰਸ਼ਨ 12. ਕਿਸੇ ਇੱਕ ਵਿਸ਼ੇ ਤੇ ਪੱਤਰ/ਬਿਨੈ-ਪੱਤਰ ਲਿਖੋ: (6 ਅੰਕ)

ਮੁੱਖ ਅਧਿਆਪਕ ਨੂੰ ਸਕੂਲ ਵਿੱਚ ਦਾਖ਼ਲਾ ਲੈਣ ਲਈ ਬਿਨੈ-ਪੱਤਰ ਲਿਖੋ।
ਜਾਂ
ਸਾਈਕਲ ਦੀ ਚੋਰੀ ਦੀ ਰਿਪੋਰਟ ਲਿਖਾਉਣ ਲਈ ਥਾਣੇਦਾਰ ਨੂੰ ਬਿਨੈ-ਪੱਤਰ ਲਿਖੋ।

ਪ੍ਰਸ਼ਨ 13. ਹੇਠ ਦਿੱਤੇ ਡੱਬੇ ਵਿੱਚੋਂ ਕੋਈ 8 ਸਾਰਥਕ ਸ਼ਬਦ ਚੁਣ ਕੇ ਲਿਖੋ : (6 ਅੰਕ)

ਕ	ਤਿ	ਅ	ਜ਼ਾ	ਦੀ	ਨਿ	ਸ਼ਾ	ਨ	ਦ	ਭਾ
ਸ	ਰੀਂ	ਗ	ਕ	ਨ	ਰਾ	ਵ	ਜ	ਲ	ਸ਼ਾ
ਰ	ਗਾ	ਤ	ਸ਼ਿ	ਵ	ਲੀ	ਅ	ਵਿ	ਧਾ	ਨ
ਤ	ਬਾ	ਏ	ਕੁ	ਮਾ	ਰ	ਧ	ਕੇ	ਸ	ਲ
ਸ਼ਾਂ	ਚੋਂ	ਕ	ਰ	ਸਾ	ਵਾ	ਸੀ	ਸ	ਰੀ	ਰ
ਤੀ	ਈ	ਤਾ	ਹ	ਨਾ	ਅ	ਮ	ਰੀ	ਹ	ਰਾ
ਸ	ਬਾ	ਨਾ	ਬ	ਠ	ਸ਼ੋ	ਭਾ	ਈ	ਡ	ਮ
ਰਾ	ਕ	ਘ	ਚਿੱ	ਕੇ	ਕ	ਈਂ	ਡਾ	ਲੀ	ਲਾ
ਗ	ਲ	ਰ	ਟਾ	ਸ	ਰ	ਗ	ਖ਼	ਤ	ਨ
ਤ	ਮ	ਈ	ਦ	ਰੀ	ਮ	ਕ	ਮੀ	ਜ਼	ਸ

ਪ੍ਰਸ਼ਨ 14. ਪੜਨਾਂਵ ਜਾਂ ਵਿਸ਼ੇਸ਼ਣ ਵਿੱਚੋਂ ਕਿਸੇ ਇੱਕ ਦੀ ਪਰਿਭਾਸ਼ਾ ਲਿਖੋ। (3 ਅੰਕ)

--- ਸਮਾਪਤ ---