ਪੰਜਾਬ ਸਰਕਾਰ ਵੱਲੋਂ ਠੇਕਾ ਅਧਾਰ ਤੇ ਸਟਾਫ ਦੀ ਤਨਖਾਹ ਵਿੱਚ 40 ਫੀਸਦੀ ਤੱਕ ਵਾਧਾ
ਚੰਡੀਗੜ੍ਹ, 13 ਅਪ੍ਰੈਲ 2023
ਅਰਥ ਅਤੇ ਅੰਕੜਾ ਸੰਗਠਨ ਪੰਜਾਬ ਸਟੇਟ ਪਲਾਨਿੰਗ ਬੋਰਡ ਪੰਜਾਬ ਵਿੱਚ ਠੇਕਾ ਅਧਾਰ ਤੇ ਸਟਾਫ ਦੀ ਤਨਖਾਹ ਵਿੱਚ ਵਾਧਾ ਕਰਨ ਸਬੰਧੀ ਪੱਤਰ ਜਾਰੀ ਕੀਤਾ ਹੈ।
ਵਿੱਤ ਵਿਭਾਗ ਹਵਾਲਾ ਅਧੀਨ ਤਜਵੀਜਾਂ ਰਾਹੀਂ ਤਜਵੀਜਤ ਠੇਕਾ ਅਧਾਰਿਤ ਕਰਮਚਾਰੀਆਂ ਦੀ ਤਨਖਾਹ ਵਿੱਚ ਹੇਠ ਅਨੁਸਾਰ ਵਾਧਾ ਕਰਨ ਦੀ ਪ੍ਰਵਾਨਗੀ ਦਿੱਤੀ ਗਈ ਹੈ।
ਕਰਮਚਾਰੀ ਦੀ ਮੌਜੂਦਾ ਤਨਖਾਹ (ਪ੍ਰਤੀ ਮਹੀਨਾ) 10,000/- ਰੁਪਏ ਹੈ ਤਾਂ ਉਸਦੀ ਤਨਖਾਹ ਵਿੱਚ 40% ਵਾਧਾ ਕੀਤਾ ਗਿਆ ਹੈ। ਕਰਮਚਾਰੀ ਦੀ ਮੌਜੂਦਾ ਤਨਖਾਹ (ਪ੍ਰਤੀ ਮਹੀਨਾ) 10,000/- ਰੁਪਏ ਤੋਂ 15000 ਰੁਪਏ ਹੈ ਤਾਂ ਉਸਦੀ ਤਨਖਾਹ ਵਿੱਚ 30% ਵਾਧਾ ਕੀਤਾ ਗਿਆ ਹੈ। ਜੇਕਰ ਕਰਮਚਾਰੀ ਦੀ ਮੌਜੂਦਾ ਤਨਖਾਹ (ਪ੍ਰਤੀ ਮਹੀਨਾ) 15,000/- ਰੁਪਏ ਤੋਂ 20000 ਰੁਪਏ ਹੈ ਤਾਂ ਉਸਦੀ ਤਨਖਾਹ ਵਿੱਚ 25% ਵਾਧਾ ਕੀਤਾ ਗਿਆ ਹੈ। ਕਰਮਚਾਰੀ ਦੀ ਮੌਜੂਦਾ ਤਨਖਾਹ (ਪ੍ਰਤੀ ਮਹੀਨਾ) 20,000/- ਰੁਪਏ ਤੋਂ ਵੱਧ ਹੈ ਤਾਂ ਉਸਦੀ ਤਨਖਾਹ ਵਿੱਚ 15% ਵਾਧਾ ਕੀਤਾ ਗਿਆ ਹੈ।
ਇਹ ਵਾਧਾ ਵਨ ਟਾਈਮ ਹੋਵੇਗਾ ਅਤੇ ਮਿਤੀ 01 ਅਪ੍ਰੈਲ 2023 ਤੋਂ ਲਾਗੂ ਹੋਵੇਗਾ। ਇਸ ਉਪਰੰਤ ਇਹਨਾਂ ਕਰਮਚਾਰੀਆਂ ਦੀ ਤਨਖਾਹ ਵਿੱਚ 5% ਸਲਾਨਾ ਦੀ ਦਰ ਨਾਲ ਵਾਧਾ ਕਰਨ ਦੀ ਪ੍ਰਵਾਨਗੀ ਦਿੱਤੀ ਗਈ ਹੈ।
