ਨੈਸ਼ਨਲ ਅਚੀਵਮੈਂਟ ਸਰਵੇ ਵੱਖ- ਵੱਖ ਸਕੂਲਾਂ ਦੇ ਅਧਿਆਪਕਾਂ ਨਾਲ ਮੀਟਿੰਗ ਕੀਤੀ
ਨਵਾਂ ਸ਼ਹਿਰ,28 ਸਤੰਬਰ(ਗੁਰਦਿਆਲ ਮਾਨ): ਭਾਰਤ ਸਰਕਾਰ ਵਲੋਂ 12 ਨਵੰਬਰ,2021 ਨੂੰ ਕਰਵਾਏ ਜਾ ਰਹੇ ਨੈਸ਼ਨਲ ਅਚੀਵਮੈਂਟ ਸਰਵੇ ਸੰਬੰਧੀ ਜਿਲ੍ਹਾ ਸਿਖਿਆ ਅਫ਼ਸਰ ਜਗਜੀਤ ਸਿੰਘ ਵਲੋਂ ਜਿਲ੍ਹੇ ਦੇ ਵੱਖ-ਵੱਖ ਸਕੂਲਾਂ ਦੇ ਅਧਿਆਪਕਾਂ ਨਾਲ ਰੀਵਿਊ ਮੀਟਿੰਗ ਕੀਤੀ ਗਈ।ਇਸ ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ ਜਿਲ੍ਹਾ ਸਿੱਖਿਆ ਅਫ਼ਸਰ ਨੇ ਦੱਸਿਆਂ ਕਿ ਇਹ ਪੇਪਰ ਬੱਚਿਆਂ ਦੇ ਨਾਲ-ਨਾਲ ਇਸ ਵਾਰ ਸਕੂਲ ਮੁੱਖੀਆਂ ਅਤੇ ਅਧਿਆਪਕਾਂ ਦਾ ਵੀ ਹੋਵੇਗਾ।ਪੇਪਰ ਦਾ ਸਮਾਂ 90 ਮਿੰਟ ਹੋਵੇਗਾ।ਤੀਸਰੀ ਜਮਾਤ ਲਈ 47 ਪ੍ਰਸ਼ਨ ,ਪੰਜਵੀਂ ਲਈ 53 ,ਅਧਿਆਪਕ ਪ੍ਰਸ਼ਨਉੱਤਰੀ ਲਈ 69 ,ਮੁਖ ਅਧਿਆਪਕ ਲਈ 73 ਪ੍ਰਸ਼ਨ ਹੋਣਗੇ।ਵਿਦਿਆਰਥੀ ਪ੍ਰਸ਼ਨ ਉੱਤਰੀ ਲਈ 25 ਪ੍ਰਸ਼ਨ ਹੋਣਗੇ।ਉਨ੍ਹਾਂ ਇਹ ਵੀ ਦੱਸਿਆਂ ਕਿ ਪ੍ਰਾਇਮਰੀ ਪੱਧਰ ਦਾ ਇਮਤਿਹਾਨ ਤੀਸਰੀ ਅਤੇ ਪੰਜਵੀਂ ਜਮਾਤਾਂ ਦਾ ਹੋਵੇਗਾ।ਪ੍ਰੰਤੂ ਅਸੀਂ ਤਿਆਰੀ ਬਾਕੀ ਜਮਾਤਾਂ ਦੀ ਵੀ ਇਸੇ ਤਰਜ਼ 'ਤੇ ਕਰਵਾਉਣੀ ਹੈ ਕਿਉਂਕਿ ਜੇਕਰ ਸਰਕਾਰ ਵਲੋਂ ਸਾਰੀਆਂ ਜਮਾਤਾਂ ਦਾ ਇਮਤਿਹਾਨ ਲਿਆ ਜਾਂਦਾ ਹੈ ਤਾਂ ਕਿ ਸਾਰੇ ਬੱਚੇ ਇਸ ਨੂੰ ਹੱਲ ਕਰ ਸਕਣ। ਉਨ੍ਹਾਂ ਇਸ ਮੌਕੇ ਅਧਿਆਪਕਾਂ ਨੂੰ ਵੀ ਪ੍ਰੇਰਿਤ ਕਰਦਿਆਂ ਕਿਹਾ ਜਿਵੇਂ ਤੁਸੀਂ ਪਹਿਲਾਂ ਮਿਹਨਤ ਕਰਕੇ ਪੰਜਾਬ ਨੂੰ ਰਾਸ਼ਟਰੀ ਸਰਵੇਖਣ ਵਿੱਚ ਪਹਿਲੇ ਨੰਬਰ ਉੱਤੇ ਲਿਆਉਂਦਾ ਹੈ,ਉਸੇ ਪ੍ਰਕਾਰ ਹੁਣ ਵੀ ਅਸੀਂ ਪੰਜਾਬ ਨੂੰ ਸਿੱਖਿਆ ਦੇ ਖੇਤਰ ਵਿੱਚ ਪਹਿਲੇ ਨੰਬਰ ਉੱਤੇ ਲਿਆਉਣਾ ਹੈ।ਉਨ੍ਹਾਂ ਵਲੋ ਇਹ ਵੀ ਦੱਸਿਆ ਗਿਆ ਕਿ ਅਧਿਆਪਕਾਂ ਅਤੇ ਬੱਚਿਆਂ ਦੀ ਤਿਆਰੀ ਲਈ ਸਟੇਟ ਦਫ਼ਤਰ ਵਲੋਂ ਇਸ ਸੰਬੰਧੀ ਬੁੱਕਲੈੱਟ ਤਿਆਰ ਕਰਕੇ ਭੇਜੀ ਗਈ। ਜੋ ਕਿ ਜਲਦੀ ਹੀ ਸਕੂਲਾਂ ਵਿੱਚ ਪਹੁੰਚ ਜਾਵੇਗੀ।ਇਸ ਮੌਕੇ ਛੋਟੂ ਰਾਮ ਉੱਪ ਜਿਲ੍ਹਾ ਸਿੱਖਿਆ ਅਫ਼ਸਰ ਐਸਿ ਨੇ ਵਿਭਾਗ ਵਲੋਂ ਕੀਤੀਆਂ ਜਾ ਰਹੀਆਂ ਤਿਆਰੀਆਂ ਦੀ ਚਰਚਾ ਕੀਤੀ ਅਤੇ ਦੱਸਿਆ ਕਿ ਸਾਰੇ ਅਧਿਆਪਕਾਂ ਨਾਲ ਬਰਾਬਰ ਤਾਲਮੇਲ ਕੀਤਾਂ ਜਾ ਰਿਹਾ ਹੈ।ਜੇਕਰ ਕਿਸੇ ਅਧਿਆਪਕ ਦੀ ਕੋਈ ਸਮੱਸਿਆ ਆਉਂਦੀ ਹੈ ਤਾਂ ਉਸ ਨੂੰ ਤੁਰੰਤ ਉੱਚ ਅਧਿਕਾਰੀਆਂ ਦੇ ਧਿਆਨ ਵਿੱਚ ਲਿਆਕੇ ਹੱਲ ਕਰਵਾਇਆ ਜਾਂਦਾ ਹੈ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਅਨੀਤਾ ਕੁਮਾਰੀ ਬੀ ਪੀ ਈ ਓ,ਪਰਮਜੀਤ ਕੌਰ ਬੀ ਪੀ ਈ ਓ,ਸਤਨਾਮ ਸਿੰਘ ਜਿਲ੍ਹਾ ਕੋਆਰਡੀਨੇਟਰ ਪਪਪਪ,ਗੁਰਦਿਆਲ ਸਿੰਘ ਜਿਲ੍ਹਾ ਮੀਡੀਆ ਕੋਆਰਡੀਨੇਟਰ, ਨੀਲ ਕਮਲ ਸਹਾਇਕ ਕੋਆਰਡੀਨੇਟਰ ਪਪਪਪ,ਕੁਲਦੀਪ ਕੁਮਾਰ ਬੀ ਐਮ ਟੀ, ਗਿਆਨ ਸਿੰਘ,ਪਵਨਦੀਪ ਕੁਮਾਰ,ਤਵਨੀਤ ਕੁਮਾਰ,ਕੁਲਦੀਪ ਸਿੰਘ,ਅਮਨਦੀਪ ਸਿੰਘ,ਜਗਦੀਸ਼ ਰਾਏ,ਹੰਸ ਰਾਜ,ਰਮਨ ਕੁਮਾਰ,ਅਮਰ ਕਟਾਰੀਆ,ਪਰਮਜੀਤ ਕੌਰ,ਬਲਜਿੰਦਰ ਸਿੰਘ, ਰਜਿੰਦਰ ਕੁਮਾਰ ਵੀ ਹਾਜਿਰ ਸਨ।
 |
| ਕੈਪਸ਼ਨ: ਨੈਸ਼ਨਲ ਅਚੀਵਮੈਂਟ ਸਰਵੇ ਸੰਬੰਧੀ ਮੀਟਿੰਗ ਵਿੱਚ ਰੀਵਿਊ ਕਰਦੇ ਹੋਏ। |
