ਬੀਤੀ ਸੋਮਵਾਰ ਦੇਰ ਸ਼ਾਮ/ਰਾਤ ਲਗਪਗ ਸਮੁੱਚੇ ਸੂਬੇ ਚ ਹਨੇਰੀ-ਝੱਖੜ ਨਾਲ਼ ਹਲਕਾ-ਦਰਮਿਆਨਾ ਮੀਂਹ ਦਰਜ ਹੋਇਆ। ਜਿਸ ਨਾਲ਼ ਦੁਪਹਿਰੇ 40°C ਤੋਂ ਉੱਪਰ ਚੱਲ ਰਿਹਾ ਪਾਰਾ ਤਕੜੀ ਗਿਰਾਵਟ ਨਾਲ 20° ਤੋਂ ਹੇਠਾਂ ਜਾ ਉੱਤਰਿਆ। ਮੋਗਾ, ਲੁਧਿਆਣਾ, ਅਬੋਹਰ, ਫਾਜਿਲਕਾ, ਮੁਕਤਸਰ, ਫਰੀਦਕੋਟ, ਬਠਿੰਡਾ, ਪਟਿਆਲਾ ਚ ਹਨੇਰੀ-ਝੱਖੜ (80-90kph) ਨਾਲ ਦਰਮਿਆਨਾ ਮੀਂਹ ਦਰਜ ਹੋਇਆ। ਨਾਲ ਲਗਦੇ ਹਰਿਆਣਾ, ਦਿੱਲੀ ਚ ਵੀ ਇਹੋ ਸਥਿਤੀ ਦੇਖੀ ਗਈ।
ਪੰਜਾਬ ਤੇ ਨਾਲ ਲੱਗਦੇ ਪਾਕਿਸਤਾਨ 'ਤੇ ਚੱਕਰਵਾਤੀ ਹਵਾਵਾਂ ਦੇ ਖੇਤਰ ਨਾਲ ਜੰਮੂ-ਕਸ਼ਮੀਰ ਚ ਵੈਸਟਰਨ ਡਿਸਟ੍ਬੇਂਸ ਦੀ ਮੌਜੂਦਗੀ ਬਣੀ ਹੋਈ ਹੈ। ਜਿਸ ਕਰਕੇ ਪੰਜਾਬ ਚ ਬੱਦਲਵਾਈ ਦਾ ਬਣਨਾ ਜਾਰੀ ਰਹੇਗਾ, ਘਟੀ ਤੀਬਰਤਾ ਨਾਲ ਟੁੱਟਵੀਂਆਂ ਮੌਸਮੀ ਹਲਚਲਾਂ ਕੱਲ੍ਹ 2 ਜੂਨ ਤੱਕ ਬਣੀਆਂ ਰਹਿਣਗੀਆਂ।
-
