ਪੰਜਾਬ ਪੁਲਿਸ ਕਾਂਸਟੇਬਲ ਭਰਤੀ ਪ੍ਰੀਖਿਆ ਦੀ ਤਰੀਕ ਦਾ ਐਲਾਨ: 1 ਜੁਲਾਈ 2026 ਤੋਂ ਸ਼ੁਰੂ ਹੋਣਗੇ CBT ਟੈਸਟ
ਚੰਡੀਗੜ੍ਹ: ਪੰਜਾਬ ਪੁਲਿਸ ਵਿੱਚ ਕਾਂਸਟੇਬਲ ਬਣਨ ਦਾ ਸੁਪਨਾ ਦੇਖ ਰਹੇ ਨੌਜਵਾਨਾਂ ਲਈ ਇੱਕ ਬਹੁਤ ਹੀ ਮਹੱਤਵਪੂਰਨ ਖ਼ਬਰ ਸਾਹਮਣੇ ਆਈ ਹੈ। ਪੰਜਾਬ ਪੁਲਿਸ ਭਰਤੀ ਬੋਰਡ ਵੱਲੋਂ ਜ਼ਿਲ੍ਹਾ ਅਤੇ ਆਰਮਡ ਕੇਡਰ-2026 ਦੇ ਤਹਿਤ ਕਾਂਸਟੇਬਲ ਦੀ ਭਰਤੀ ਲਈ ਹੋਣ ਵਾਲੀ ਲਿਖਤੀ ਪ੍ਰੀਖਿਆ ਦੀ ਤਰੀਕ ਦਾ ਰਸਮੀ ਐਲਾਨ ਕਰ ਦਿੱਤਾ ਗਿਆ ਹੈ।
ਵਿਭਾਗ ਵੱਲੋਂ ਜਾਰੀ ਕੀਤੇ ਗਏ ਨੋਟਿਸ ਮੁਤਾਬਕ, ਕਾਂਸਟੇਬਲ ਭਰਤੀ ਲਈ ਕੰਪਿਊਟਰ ਅਧਾਰਤ ਟੈਸਟ (CBT) ਮੋਡ ਵਿੱਚ ਪ੍ਰੀਖਿਆ 01.07.2026 ਤੋਂ ਲਈ ਜਾਵੇਗੀ। ਯੋਗ ਉਮੀਦਵਾਰਾਂ ਦੀਆਂ ਪ੍ਰੀਖਿਆਵਾਂ ਇਸੇ ਤਰੀਕ ਤੋਂ ਸ਼ੁਰੂ ਹੋ ਕੇ ਵੱਖ-ਵੱਖ ਸ਼ਿਫਟਾਂ ਵਿੱਚ ਸੰਪੰਨ ਕਰਵਾਈਆਂ ਜਾਣਗੀਆਂ।
ਭਰਤੀ ਨਾਲ ਜੁੜੇ ਮੁੱਖ ਵੇਰਵੇ:
- ਇਸ਼ਤਿਹਾਰ ਨੰਬਰ: 01 ਆਫ਼ 2026 (ਪ੍ਰਕਾਸ਼ਿਤ ਮਿਤੀ: 06.03.2026)
- ਕੁੱਲ ਅਸਾਮੀਆਂ: 3298 ਪਦ
- ਜ਼ਿਲ੍ਹਾ ਕਾਡਰ ਅਸਾਮੀਆਂ: 2522 ਅਸਾਮੀਆਂ
- ਆਰਮਡ ਕਾਡਰ ਅਸਾਮੀਆਂ: 776 ਅਸਾਮੀਆਂ
- ਪ੍ਰੀਖਿਆ ਦੀ ਸ਼ੁਰੂਆਤੀ ਮਿਤੀ: 01 ਜੁਲਾਈ 2026
ਐਡਮਿਟ ਕਾਰਡ ਜਲਦੀ ਹੋਣਗੇ ਜਾਰੀ
ਪੰਜਾਬ ਪੁਲਿਸ ਮੁਤਾਬਕ, ਸੀ.ਬੀ.ਟੀ. (CBT) ਲਿਖਤੀ ਪ੍ਰੀਖਿਆ ਲਈ ਉਮੀਦਵਾਰਾਂ ਦੇ ਐਡਮਿਟ ਕਾਰਡ (Admit Cards) ਜਲਦੀ ਹੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾਰੀ ਕੀਤੇ ਜਾਣਗੇ। ਉਮੀਦਵਾਰ ਆਪਣੇ ਲੌਗਇਨ ਆਈਡੀ ਰਾਹੀਂ ਆਪਣੇ ਰੋਲ ਨੰਬਰ ਅਤੇ ਪ੍ਰੀਖਿਆ ਕੇਂਦਰ ਦੀ ਜਾਣਕਾਰੀ ਹਾਸਲ ਕਰ ਸਕਣਗੇ।
ਵਧੇਰੇ ਜਾਣਕਾਰੀ ਲਈ ਪੰਜਾਬ ਪੁਲਿਸ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾਓ:
WWW.PUNJABPOLICE.GOV.IN
