ਵੱਡੀ ਖ਼ਬਰ: ਪੰਜਾਬ ਟੈੱਟ (PSTET) ਦੀ ਪ੍ਰੀਖਿਆ ਮੁਲਤਵੀ, ਹੁਣ 26 ਅਪ੍ਰੈਲ ਨੂੰ ਹੋਵੇਗਾ ਪੇਪਰ
ਮੋਹਾਲੀ, 17 ਅਪ੍ਰੈਲ 2026
ਰਾਜ ਵਿੱਦਿਅਕ ਖੋਜ ਅਤੇ ਸਿਖਲਾਈ ਪ੍ਰੀਸ਼ਦ (SCERT), ਪੰਜਾਬ ਵੱਲੋਂ ਅੱਜ ਇੱਕ ਅਹਿਮ ਜਨਤਕ ਨੋਟਿਸ ਜਾਰੀ ਕਰਦਿਆਂ ਇਨ-ਸਰਵਿਸ ਟੀਚਰਾਂ ਲਈ ਲਈ ਜਾਣ ਵਾਲੀ ਪੀ.ਟੈੱਟ (PSTET-1 ਅਤੇ PSTET-2) ਦੀ ਪ੍ਰੀਖਿਆ ਮੁਲਤਵੀ ਕਰ ਦਿੱਤੀ ਗਈ ਹੈ।
ਪਹਿਲਾਂ ਇਹ ਪ੍ਰੀਖਿਆ 19.04.2026 ਨੂੰ ਹੋਣੀ ਸੀ, ਜੋ ਕਿ ਹੁਣ 26.04.2026 (ਦਿਨ ਐਤਵਾਰ) ਨੂੰ ਲਈ ਜਾਵੇਗੀ। ਵਿਭਾਗ ਨੇ ਪਹਿਲਾਂ ਜਾਰੀ ਕੀਤੇ ਗਏ ਸਾਰੇ ਐਡਮਿਟ ਕਾਰਡ ਰੱਦ ਕਰ ਦਿੱਤੇ ਹਨ।
ਮੁੱਖ ਜਾਣਕਾਰੀ:
- ਨਵੀਂ ਪ੍ਰੀਖਿਆ ਮਿਤੀ: 26 ਅਪ੍ਰੈਲ 2026
- ਸੋਧ (Correction) ਦਾ ਮੌਕਾ: ਉਮੀਦਵਾਰਾਂ ਨੂੰ ਆਪਣੇ ਵੇਰਵਿਆਂ ਵਿੱਚ ਸੁਧਾਰ ਕਰਨ ਲਈ 18.04.2026 (ਦੁਪਹਿਰ ਬਾਅਦ) ਤੋਂ 19.04.2026 (ਸ਼ਾਮ 05 ਵਜੇ ਤੱਕ) ਦਾ ਸਮਾਂ ਦਿੱਤਾ ਗਿਆ ਹੈ।
- ਨਵੇਂ ਐਡਮਿਟ ਕਾਰਡ: ਪ੍ਰੀਖਿਆ ਲਈ ਨਵੇਂ ਐਡਮਿਟ ਕਾਰਡ ਜਲਦ ਹੀ ਵਿਭਾਗ ਦੀ ਵੈੱਬਸਾਈਟ 'ਤੇ ਉਪਲਬਧ ਹੋਣਗੇ।
ਉਮੀਦਵਾਰ ਵਧੇਰੇ ਜਾਣਕਾਰੀ ਅਤੇ ਸੋਧ ਕਰਨ ਲਈ ਵਿਭਾਗ ਦੇ ਅਧਿਕਾਰਤ ਪੋਰਟਲ 'ਤੇ ਜਾ ਸਕਦੇ ਹਨ:
PSTET ਪੋਰਟਲ 'ਤੇ ਜਾਣ ਲਈ ਇੱਥੇ ਕਲਿੱਕ ਕਰੋ
ਵਿਭਾਗ ਅਨੁਸਾਰ, ਰਜਿਸਟ੍ਰੇਸ਼ਨ ਦੌਰਾਨ ਮੌਜੂਦਾ ਤੈਨਾਤੀ ਸੰਬੰਧੀ ਜਾਣਕਾਰੀ ਦੀ ਘਾਟ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ ਤਾਂ ਜੋ ਉਮੀਦਵਾਰ ਆਪਣੇ ਵੇਰਵੇ ਸਹੀ ਕਰ ਸਕਣ। ਤਾਜ਼ਾ ਅਪਡੇਟਸ ਲਈ ਵਿਭਾਗ ਦੀ ਮੁੱਖ ਵੈੱਬਸਾਈਟ ssapunjab.org ਚੈੱਕ ਕਰਦੇ ਰਹੋ।
