CLASS 7 CEP ASSIGNMENT 1 SCIENCE SOLVED

Class: 7th – Science (Assignment-1)

Questions 1–15 — exactly as in the PDF. Select one option for each question. Click View Score to see score and answer key.

1.

ਇੱਕ ਸ਼ਾਮ ਸੀਰਤ ਆਪਣੇ ਦਾਦਾ ਜੀ ਨਾਲ ਆਪਣੇ ਪਿੰਡ ਸਰਹਾਲਾ ਤੋਂ ਗੜਦੀਵਾਲਾ ਪੱਖੇ ਗੁਰਦੁਆਰਾ ਸਾਹਿਬ ਗਈ । ਮੱਥਾ ਟੇਕਣ ਤੋਂ ਬਾਅਦ ਉਹ ਲੰਗਰ ਹਾਲ ਵਿੱਚ ਲੰਗਰ ਖਾਣ ਲਈ ਬੈਠੇ । ਸੀਰਤ ਨੂੰ ਜਲਦੀ-ਜਲਦੀ ਲੰਗਰ ਖਾਂਦਿਆਂ ਦੇਖ ਕੇ ਉਸਦੇ ਦਾਦਾ ਜੀ ਨੇ ਸੀਰਤ ਨੂੰ ਹੌਲ਼ੀ-ਹੌਲ਼ੀ, ਚਬਾ-ਚਬਾ ਕੇ ਖਾਣ ਨੂੰ ਕਿਹਾ ਤਾਂ ਕਿ ਇਸ ਵਿੱਚ ਲਾਰ ਮਿਲ ਸਕੇ। ਭੋਜਨ ਨੂੰ ਪਚਾਉਣ ਵਿੱਚ ਲਾਰ ਦਾ ਕੀ ਮਹੱਤਵ ਹੈ ?

1) ਲਾਰ ਵਿੱਚ ਐਮਾਈਲੇਜ਼ ਨਾਮ ਦਾ ਐਨਜ਼ਾਈਮ ਹੁੰਦਾ ਹੈ, ਜੋ ਸਟਾਰਚ ਨੂੰ ਖੁੰਡ ਵਿੱਚ ਬਦਲ ਦਿੰਦਾ ਹੈ। 2) ਲਾਰ ਭੋਜਨ ਨੂੰ ਸਿੱਧੇ ਊਰਜਾ ਵਿੱਚ ਬਦਲ ਦਿੰਦੀ ਹੈ। 3) ਲਾਰ ਪ੍ਰੋਟੀਨ ਨੂੰ ਪੂਰੀ ਤਰ੍ਹਾਂ ਪਚਾਉਂਦੀ ਹੈ। 4) ਲਾਰ ਚਰਬੀ ਨੂੰ ਪੂਰੀ ਤਰ੍ਹਾਂ ਪਚਾਉਂਦੀ ਹੈ।

2.

ਸੀਰਤ ਦੇ ਦਾਦਾ ਜੀ ਨੇ ਦੱਸਿਆ ਕਿ ਜਦੋਂ ਅਸੀਂ ਭੋਜਨ ਖਾਂਦੇ ਹਾਂ ਤਾਂ ਦੰਦ ਇਸ ਨੂੰ ਛੋਟੇ-ਛੋਟੇ ਟੁਕੜਿਆਂ ਵਿੱਚ ਬਦਲ ਦਿੰਦੇ ਹਨ ਅਤੇ ਇਸ ਵਿੱਚ ਲਾਰ ਮਿਲ ਜਾਂਦੀ ਹੈ । ਫਿਰ ਇਹ ਭੋਜਨ ਲੰਬੀ ਪੇਸ਼ੀਦਾਰ ਨਲੀ ਰਾਹੀਂ ਸਾਡੇ ਮੂੰਹ ਤੋਂ ਸਾਡੇ ਪੇਟ ਤੱਕ ਪਹੁੰਚ ਜਾਂਦਾ ਹੈ। ਇਹ ਪੇਸ਼ੀਦਾਰ ਨਲੀ, ਜੋ ਮੂੰਹ-ਖੋੜ ਤੋਂ ਪੇਟ ਤੱਕ ਜਾਂਦੀ ਹੈ, ਨੂੰ ਕੀ ਕਿਹਾ ਜਾਂਦਾ ਹੈ ?

1) ਸਾਹ ਨਲੀ (Wind Pipe) 2) ਭੋਜਨ ਨਲੀ (Oesophagus) 3) ਛੋਟੀ ਆਂਦਰ (Small Intestine) 4) ਵੱਡੀ ਆਂਦਰ (Large Intestine)

3.

ਹੁਣ ਸੀਰਤ ਅਤੇ ਉਸਦੇ ਦਾਦਾ ਜੀ ਬਾਹਰ ਬੈਂਚ ‘ਤੇ ਬੈਠ ਜਾਂਦੇ ਹਨ। ਸੀਰਤ ਦਾਦਾ ਜੀ ਤੋਂ ਪੁੱਛਦੀ ਹੈ, “ ਜਦੋਂ ਭੋਜਨ ਪੇਟ ਵਿੱਚ ਜਾਂਦਾ ਹੈ ਤਾਂ ਕੀ ਹੁੰਦਾ ਹੈ ?” ਦਾਦਾ ਜੀ ਦੱਸਦੇ ਹਨ ਕਿ ਪੇਟ ਇੱਕ ਥੈਲੀ ਵਰਗਾ ਪੇਸ਼ੀਦਾਰ ਅੰਗ ਹੈ, ਜਿਸ ਦੀਆਂ ਅੰਦਰਲੀਆਂ ਪਰਤਾਂ ਮਿਊਕਸ, ਹਾਈਡਰੋਕਲੋਰਿਕ ਤੇਜ਼ਾਬ ਅਤੇ ਪਾਚਕ ਰਸਾਂ ਦਾ ਰਸਾਵ ਕਰਦੀਆਂ ਹਨ। ਹਾਈਡਰੋਕਲੋਰਿਕ ਤੇਜ਼ਾਬ ਦਾ ਪੇਟ ਵਿੱਚ ਮੁੱਖ ਕੰਮ ਕੀ ਹੈ ?

1) ਚਰਬੀ ਨੂੰ ਪੂਰੀ ਤਰ੍ਹਾਂ ਪਚਾਉਣਾ 2) ਹਾਨੀਕਾਰਕ ਜੀਵਾਣੂਆਂ ਨੂੰ ਮਾਰਨਾ ਅਤੇ ਤੇਜ਼ਾਬੀ ਮਾਧਿਅਮ ਬਣਾਉਣਾ। 3) ਸਟਾਰਚ ਨੂੰ ਖੁੰਡ ਵਿੱਚ ਬਦਲਣਾ 4) ਪ੍ਰੋਟੀਨ ਨੂੰ ਪੂਰੀ ਤਰ੍ਹਾਂ ਪਚਾਉਣਾ।

4.

ਅੱਗੇ ਦਾਦਾ ਜੀ ਦੱਸਦੇ ਹਨ ਕਿ ਅਣਪਚਿਆ ਭੋਜਨ ਪੇਟ ਤੋਂ ਛੋਟੀ ਆਂਤ ਵੱਲ ਜਾਂਦਾ ਹੈ, ਜਿੱਥੇ ਤਿੰਨ ਤਰ੍ਹਾਂ ਦੇ ਰਸ - ਪਿਤ ਰਸ ਜਿਗਰ ਤੋਂ, ਲੁੱਬਾ ਰਸ ਲੁੱਬਾ ਗ੍ਰੰਥੀ ਤੋਂ ਅਤੇ ਛੋਟੀ ਆਂਤ ਦਾ ਰਸ ਇਸ ਵਿੱਚ ਮਿਲ ਜਾਂਦੇ ਹਨ ਅਤੇ ਭੋਜਨ ਦਾ ਪਾਚਨ ਹੁੰਦਾ ਹੈ। ਹਰੇਕ ਰਸ ਦਾ ਇਸ ਦੇ ਕੰਮਾਂ ਨਾਲ ਮਿਲਾਣ ਕਰੋ ।

A ਪਿਤ ਰਸ    B ਲੁੱਬਾ ਰਸ    C ਛੋਟੀ ਆਂਤ ਦਾ ਰਸ

1. ਕਾਰਬੋਹਾਈਡਰੇਟ ਨੂੰ ਗਲੂਕੋਜ਼ ਵਿੱਚ, ਚਰਬੀ ਨੂੰ ਫੈਟੀ ਐਸਿਡ ਵਿੱਚ, ਪ੍ਰੋਟੀਨ ਨੂੰ ਅਮੀਨੋ ਐਸਿਡ ਵਿੱਚ ਬਦਲਦਾ ਹੈ।

2. ਚਰਬੀ ਦੇ ਪਾਚਨ ਵਿੱਚ ਸਹਾਈ ਹੁੰਦਾ ਹੈ।

3. ਚਰਬੀ, ਪ੍ਰੋਟੀਨ ਅਤੇ ਕਾਰਬੋਹਾਈਡਰੇਟ ਦੇ ਪਾਚਨ ਵਿੱਚ ਸਹਾਈ ਹੁੰਦਾ ਹੈ।

1) A-2, B-3, C-1 2) A-1, B-2, C-3 3) A-3, B-1, C-2 4) A-2, B-1, C-3

5.

ਛੋਟੀ ਆਂਤ ਦੀ ਅੰਦਰਲੀ ਕੰਧ ‘ਤੇ ਉੱਭਰੇ ਹੋਏ ਉਭਾਰ, ਜਿਨ੍ਹਾਂ ਨੂੰ ਰਸ-ਅੰਕੁਰ ਜਾਂ ਵਿਲਾਈ ਕਹਿੰਦੇ ਹਨ । ਵਿਲਾਈ ਦਾ ਅਕਾਰ ਉਂਗਲ ਵਰਗਾ ਕਿਉਂ ਹੁੰਦਾ ਹੈ ?

1) ਖੇਤਰਫਲ ਵਧਾਉਣ ਲਈ 2) ਖੇਤਰਫਲ ਘਟਾਉਣ ਲਈ 3) ਖੇਤਰਫਲ ਇੱਕੋ-ਵਜਹਾ ਰੱਖਣ ਲਈ 4) ਇਹਨਾਂ ਵਿੱਚੋਂ ਕੋਈ ਨਹੀਂ

6.

ਮਨੁੱਖੀ ਪਾਚਨ ਪ੍ਰਕਿਰਿਆ ਵਿੱਚ ਸਵੈਅੰਗੀਕਰਨ ਤੋਂ ਕੀ ਭਾਵ ਹੈ ?

1) ਭੋਜਨ ਦਾ ਸਰਲ ਪਦਾਰਥਾਂ ਵਿੱਚ ਟੁੱਟਣਾ । 2) ਸਰੀਰ ਵਿਚੋਂ ਅਣਪਚੇ ਭੋਜਨ ਦਾ ਬਾਹਰ ਨਿਕਲਣਾ 3) ਛੋਟੀ ਆਂਤ ਦੁਆਰਾ ਸੋਖਿਆ ਭੋਜਨ ਨੂੰ ਲਹੂ ਰਾਹੀਂ ਸਰੀਰ ਦੇ ਵੱਖ-ਵੱਖ ਭਾਗਾਂ ਤੱਕ ਪਹੁੰਚਾਉਣਾ। 4) ਉਪ੍ਰੋਕਤ ਵਿੱਚੋਂ ਕੋਈ ਨਹੀਂ ।

7.

ਦਾਦਾ ਜੀ ਨੇ ਦੱਸਿਆ ਕਿ ਛੋਟੀ ਆਂਤ ਵਿੱਚ ਜੋ ਭੋਜਨ ਅਣਪਚਿਆ ਰਹਿ ਜਾਂਦਾ ਹੈ, ਉਹ ਵੱਡੀ ਆਂਤ ਵਿੱਚ ਚਲਾ ਜਾਂਦਾ ਹੈ । ਹੇਠਾਂ ਲਿਖਿਆਂ ਵਿੱਚੋਂ ਵੱਡੀ ਆਂਤ ਸੰਬੰਧੀ ਕਿਹੜਾ ਤੱਥ ਸਹੀ ਹੈ?

1) ਛੋਟੀ ਆਂਤ ਦੀ ਤੁਲਨਾ ਵਿੱਚ ਵੱਡੀ ਆਂਤ ਲੰਬੀ ਹੁੰਦੀ ਹੈ। 2) ਇਹ ਅਣਪਚੇ ਭੋਜਨ ਵਿਚੋਂ ਲੂਣਾਂ ਅਤੇ ਪਾਣੀ ਨੂੰ ਸੋਖਦੀ ਹੈ। 3) ਇਸ ਦੀ ਚੌੜਾਈ ਛੋਟੀ ਆਂਤ ਨਾਲੋਂ ਘੱਟ ਹੁੰਦੀ ਹੈ। 4) ਇਸ ਵਿੱਚ ਪ੍ਰੋਟੀਨ ਪਾਚਨ ਦੀ ਕਿਰਿਆ ਹੁੰਦੀ ਹੈ।

8.

ਜੇਕਰ ਵੱਡੀ ਆਂਤ ਸਹੀ ਤਰੀਕੇ ਨਾਲ ਕੰਮ ਨਾ ਕਰੇ ਤਾਂ ਵਿਅਕਤੀ ਨੂੰ ਹੇਠਾਂ ਲਿਖਿਆਂ ਵਿੱਚੋਂ ਕਿਹੜੀ ਬਿਮਾਰੀ ਹੋਣ ਦਾ ਖਤਰਾ ਬਣ ਜਾਂਦਾ ਹੈ?

1) ਅੰਧਰਾਤਾ 2) ਬੇਰੀ-ਬੇਰੀ 3) ਪਾਣੀ ਦੀ ਕਮੀ, ਡਾਇਰੀਆ 4) ਕੈਂਸਰ

9.

ਮਨੁੱਖ ਦੀ ਪਾਚਨ ਪ੍ਰਣਾਲੀ ਦੇ ਸੰਬੰਧ ਵਿੱਚ ਹੇਠਾਂ ਲਿਖਿਆਂ ਵਿੱਚੋਂ ਸਹੀ ਤਰਤੀਬ ਕਿਹੜੀ ਹੈ ?

1) ਮੂੰਹ---ਭੋਜਨ ਨਲੀ ----ਪੇਟ -----ਛੋਟੀ ਆਂਤ----- ਵੱਡੀ ਆਂਤ 2) ਮੂੰਹ—ਪੇਟ---ਭੋਜਨ ਨਲੀ -----ਛੋਟੀ ਆਂਤ---- ਵੱਡੀ ਆਂਤ 3) ਮੂੰਹ—ਭੋਜਨ ਨਲੀ----ਪੇਟ ---- ਵੱਡੀ ਆਂਤ----ਛੋਟੀ ਆਂਤ 4) ਮੂੰਹ---ਭੋਜਨ ਨਲੀ----ਛੋਟੀ ਆਂਤ---- ਵੱਡੀ ਆਂਤ ---ਪੇਟ

10.

ਸੀਰਤ ਅਤੇ ਉਸ ਦੇ ਦਾਦਾ ਜੀ ਵਾਪਸ ਗੜਦੀਵਾਲਾ ਤੋਂ ਆਪਣੇ ਪਿੰਡ ਸਰਹਾਲਾ ਚੱਲ ਪਏ । ਰਸਤੇ ਵਿੱਚ ਸੀਰਤ ਨੂੰ ਇੱਕ ਗਾਂ ਦਿਖਾਈ ਦਿੱਤੀ, ਜੋ ਘਾਹ ਚਰ ਰਹੀ ਸੀ। ਸੀਰਤ ਨੇ ਦਾਦਾ ਜੀ ਨੂੰ ਪੁੱਛਿਆ ਘਾਹ ਪਚਾਉਣ ਲਈ ਇਹਨਾਂ ਜੀਵਾਂ ਦੀ ਪਾਚਨ ਪ੍ਰਣਾਲੀ ਵਿੱਚ ਕੀ ਖਾਸ ਹੁੰਦਾ ਹੈ। ਹੇਠ ਲਿਖਿਆਂ ਵਿੱਚੋਂ ਸੀਰਤ ਦੇ ਸਵਾਲ ਦਾ ਸਹੀ ਉੱਤਰ ਕੀ ਹੈ?

1) ਇਹਨਾਂ ਦੇ ਮੂੰਹ ਵਿੱਚ ਲਾਰ ਵਿੱਚ ਤੇਜ਼ਾਬ ਹੁੰਦਾ ਹੈ, ਜੋ ਘਾਹ ਨੂੰ ਪੂਰੀ ਤਰ੍ਹਾਂ ਪਚਾਉਂਦਾ ਹੈ। 2) ਕਿਉਂਕਿ ਗਾਂ ਦੀ ਪਾਚਨ ਪ੍ਰਣਾਲੀ ਵਿੱਚ ਇੱਕ ਖਾਸ ਬੈਕਟੀਰੀਆ ਹੁੰਦਾ ਹੈ, ਜੋ ਸੈਲੂਲੋਜ਼ ਨੂੰ ਪਚਾਉਣ ਵਿੱਚ ਮਦਦ ਕਰਦਾ ਹੈ। 3) ਕਿਉਂਕਿ ਗਾਂ ਦੇ ਦੰਦ ਮਨੁੱਖ ਦੇ ਦੰਦਾਂ ਨਾਲੋਂ ਤਿੱਖੇ ਹੁੰਦੇ ਹਨ। 4) ਉਪ੍ਰੋਕਤ ਸਾਰੇ ।

11.

ਅਮੀਬਾ ਦੇ ਸਰੀਰ ਵਿੱਚ ਉਂਗਲ ਵਰਗੀਆਂ ਰਚਨਾਵਾਂ ਹੁੰਦੀਆਂ ਹਨ, ਜੋ ਗਤੀ ਕਰਨ ਅਤੇ ਭੋਜਨ ਕਣਾਂ ਨੂੰ ਫੜਨ ਵਿੱਚ ਮਦਦ ਕਰਦੀਆਂ ਹਨ। ਇਹਨਾਂ ਰਚਨਾਵਾਂ ਨੂੰ ਕੀ ਕਹਿੰਦੇ ਹਨ ?

1) ਆਭਾਸੀ ਪੈਰ ਜਾਂ ਪਸੂਡੋਪੋਡੀਆ 2) ਵਲੀ 3) ਵੈਕਯੂਲ 4) ਭੋਜਨ ਰਸਧਾਨੀ

12.

ਅਮੀਬਾ ਦੁਆਰਾ ਜਦੋਂ ਭੋਜਨ ਕਣ ਭੋਜਨ ਵੈਕਯੂਲ ਵਿੱਚ ਲੈ ਲਿਆ ਜਾਂਦਾ ਹੈ ਤਾਂ ਇਸ ਭੋਜਨ ਦਾ ਪਾਚਨ ਕਿਵੇਂ ਹੁੰਦਾ ਹੈ ?

1) ਅਮੀਬਾ ਦੇ ਮੂੰਹ ਤੋਂ ਤੇਜ਼ਾਬ ਨਿਕਲਦਾ ਹੈ, ਜਿਸ ਰਾਹੀਂ ਭੋਜਨ ਦਾ ਪਾਚਨ ਹੁੰਦਾ ਹੈ। 2) ਅਮੀਬਾ ਦੇ ਸਰੀਰ ਅੰਦਰ ਦੰਦ ਹੁੰਦੇ ਹਨ, ਜਿਸ ਰਾਹੀਂ ਭੋਜਨ ਦਾ ਪਾਚਨ ਹੁੰਦਾ ਹੈ। 3) ਭੋਜਨ ਵੈਕਯੂਲ ਵਿੱਚ ਪਾਚਨ ਰਸਾਂ ਦਾ ਵਰਸਾ ਹੁੰਦਾ ਹੈ, ਜਿਸ ਨਾਲ ਭੋਜਨ ਦਾ ਪਾਚਨ ਹੁੰਦਾ ਹੈ। 4) ਉਪ੍ਰੋਕਤ ਵਿੱਚੋਂ ਕੋਈ ਨਹੀਂ ।

13.

ਦਾਅਵਾ-ਕਾਰਣ

ਦਾਅਵਾ (A): ਮਨੁੱਖ ਸਰਵ-ਆਹਾਰੀ ਹੈ।
ਕਾਰਣ (R): ਮਨੁੱਖ ਦੋਵੇਂ ਤਰ੍ਹਾਂ ਦਾ ਭੋਜਨ, ਪੌਦਿਆਂ ਤੋਂ ਮਿਲਣ ਵਾਲਾ ਭੋਜਨ ਅਤੇ ਜੰਤੂਆਂ ਤੋਂ ਮਿਲਣ ਵਾਲਾ ਭੋਜਨ ਖਾਂਦਾ ਹੈ।

1) ਦੋਵੇਂ (A) ਅਤੇ (R) ਸਹੀ ਹਨ ਅਤੇ (R), (A) ਦੀ ਸਹੀ ਵਿਆਖਿਆ ਹੈ। 2) ਦੋਵੇਂ (A) ਅਤੇ (R) ਸਹੀ ਹਨ ਪਰ (R), (A) ਦੀ ਸਹੀ ਵਿਆਖਿਆ ਨਹੀਂ ਹੈ। 3) (A) ਸਹੀ ਹੈ ਅਤੇ (R) ਗਲਤ ਹੈ। 4) (A) ਗਲਤ ਹੈ ਅਤੇ (R) ਸਹੀ ਹੈ।

14.

ਪਰਪੋਸ਼ੀ ਪੋਸ਼ਣ, ਪੋਸ਼ਣ ਦਾ ਉਹ ਢੰਗ ਹੈ ਜਿਸ ਵਿੱਚ ਜੀਵ :

1) ਪ੍ਰਕਾਸ਼ ਸੁੰਸਲੇਸ਼ਣ ਰਾਹੀਂ ਆਪਣਾ ਭੋਜਨ ਖੁਦ ਤਿਆਰ ਕਰਦਾ ਹੈ। 2) ਸਿਰਫ ਮਾਸ ਹੀ ਖਾਂਦਾ ਹੈ। 3) ਸਿਰਫ ਪੌਦੇ ਖਾਂਦਾ ਹੈ। 4) ਪੋਸ਼ਣ ਮਰੇ ਜੀਵਾਂ ਅਤੇ ਗਲੇ-ਸੜੇ ਪਦਾਰਥਾਂ ਤੋਂ ਹੀ ਪ੍ਰਾਪਤ ਕਰਦਾ ਹੈ।

15.

ਹੇਠ ਲਿਖਿਆਂ ਵਿੱਚੋਂ ਕਿਹੜਾ ਜੀਵ ਪੋਸ਼ਣ ਲਈ ਪਰਪੋਸ਼ੀ ਪੋਸ਼ਣ ਦਾ ਢੰਗ ਵਰਤਦਾ ਹੈ ?

1) ਮਸ਼ਰੂਮ (ਖੁੰਬਾਂ) 2) ਤਿਤਲੀ 3) ਮਨੁੱਖ 4) ਸ਼ੇਰ

Note: Questions are preserved exactly as in your PDF.