ਸਿੱਖਿਆ ਵਿਭਾਗ ਦਾ ਵੱਡਾ ਫੈਸਲਾ: ਬਾਰਡਰ ਏਰੀਆ ਵਿੱਚ ਸੇਵਾ ਨਿਭਾਉਣ ਵਾਲੇ ਅਧਿਆਪਕਾਂ ਨੂੰ ਮਿਲੇਗਾ ਵਾਧੂ ਇੰਨਕਰੀਮੈਂਟ
ਐਸ.ਏ.ਐਸ. ਨਗਰ, 17 ਫਰਵਰੀ 2026ਪੰਜਾਬ ਦੇ ਸਿੱਖਿਆ ਵਿਭਾਗ (ਐਲੀਮੈਂਟਰੀ) ਵੱਲੋਂ ਸਰਹੱਦੀ ਖੇਤਰਾਂ ਵਿੱਚ ਤਾਇਨਾਤ ਅਧਿਆਪਕਾਂ ਅਤੇ ਅਧਿਕਾਰੀਆਂ ਲਈ ਇੱਕ ਅਹਿਮ ਐਲਾਨ ਕੀਤਾ ਗਿਆ ਹੈ। ਨਵੇਂ ਨਿਯਮਾਂ ਅਨੁਸਾਰ, ਬਾਰਡਰ ਏਰੀਆ ਵਿੱਚ ਕੰਮ ਕਰ ਰਹੇ ਕਰਮਚਾਰੀ ਹੁਣ ਇੱਕ ਵਾਧੂ ਇੰਨਕਰੀਮੈਂਟ (Additional Increment) ਦੇ ਹੱਕਦਾਰ ਹੋਣਗੇ, ਬਸ਼ਰਤੇ ਉਹ ਵਿਭਾਗ ਦੀਆਂ ਸ਼ਰਤਾਂ ਨੂੰ ਪੂਰਾ ਕਰਦੇ ਹੋਣ।
ਮੁੱਖ ਸ਼ਰਤਾਂ ਅਤੇ ਨਿਯਮ
ਵਿਭਾਗ ਦੁਆਰਾ ਜਾਰੀ ਕੀਤੇ ਗਏ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਇਸ ਲਾਭ ਨੂੰ ਲੈਣ ਲਈ ਹੇਠ ਲਿਖੀਆਂ ਸ਼ਰਤਾਂ ਲਾਜ਼ਮੀ ਹਨ:
- ਪੂਰੀ ਸੇਵਾ ਦਾ ਵਚਨ: ਕਰਮਚਾਰੀ ਨੂੰ ਲਿਖਤੀ ਰੂਪ ਵਿੱਚ ਇਹ ਆਪਸ਼ਨ ਦੇਣੀ ਪਵੇਗੀ ਕਿ ਉਹ ਆਪਣੀ ਸਾਰੀ ਸੇਵਾ ਦੌਰਾਨ ਬਾਰਡਰ ਏਰੀਆ ਵਿੱਚ ਹੀ ਤਾਇਨਾਤ ਰਹੇਗਾ।
- ਬਦਲੀ ਹੋਣ 'ਤੇ ਲਾਭ ਖਤਮ: ਜੇਕਰ ਕੋਈ ਕਰਮਚਾਰੀ ਬਾਰਡਰ ਏਰੀਆ ਤੋਂ ਨਾਨ-ਬਾਰਡਰ ਏਰੀਆ ਵਿੱਚ ਬਦਲੀ ਕਰਵਾਉਂਦਾ ਹੈ, ਤਾਂ ਉਹ ਇਸ ਵਾਧੂ ਇੰਨਕਰੀਮੈਂਟ ਦਾ ਹੱਕਦਾਰ ਨਹੀਂ ਰਹੇਗਾ।
- ਵਸੂਲੀ ਦੀ ਵਿਵਸਥਾ: ਜੇਕਰ ਕੋਈ ਕਰਮਚਾਰੀ ਲਾਭ ਲੈਣ ਤੋਂ ਬਾਅਦ ਸਰਹੱਦੀ ਖੇਤਰ ਛੱਡਦਾ ਹੈ, ਤਾਂ ਉਸ ਨੂੰ ਲਿਆ ਗਿਆ ਵਾਧੂ ਲਾਭ ਵਿਆਜ ਸਮੇਤ ਵਾਪਸ ਕਰਨਾ ਪਵੇਗਾ।
ਪ੍ਰਭਾਵਿਤ ਜ਼ਿਲ੍ਹੇ
ਇਹ ਫੈਸਲਾ ਮੁੱਖ ਤੌਰ 'ਤੇ ਛੇ ਸਰਹੱਦੀ ਜ਼ਿਲ੍ਹਿਆਂ 'ਤੇ ਲਾਗੂ ਹੋਵੇਗਾ:
- ਅੰਮ੍ਰਿਤਸਰ, ਤਰਨਤਾਰਨ ਅਤੇ ਪਠਾਨਕੋਟ
- ਗੁਰਦਾਸਪੁਰ, ਫਾਜ਼ਿਲਕਾ ਅਤੇ ਫਿਰੋਜ਼ਪੁਰ
ਨੋਟ: ਅਧਿਆਪਕਾਂ ਨੂੰ ਇਹ ਆਪਸ਼ਨ ਜਮ੍ਹਾਂ ਕਰਵਾਉਣ ਲਈ ਤਿੰਨ ਹਫ਼ਤੇ ਦਾ ਸਮਾਂ ਦਿੱਤਾ ਗਿਆ ਹੈ। ਇਸ ਤੋਂ ਬਾਅਦ ਕੋਈ ਹੋਰ ਮੌਕਾ ਨਹੀਂ ਮਿਲੇਗਾ।
