BIG BREAKING: ਮਾਸਟਰ ਕੇਡਰ ਦੀਆਂ ਪਦਉਨਤੀਆਂ ਲਈ ਟੈਟ (PSTET) ਸਬੰਧੀ ਸਪਸ਼ਟ ਨਿਰਦੇਸ਼ ਜਾਰੀ

ਦਫ਼ਤਰ ਡਾਇਰੈਕਟਰ ਸਕੂਲ ਐਜੂਕੇਸ਼ਨ (ਸੈਕੰਡਰੀ) ਪੰਜਾਬ, ਐਸ.ਏ.ਐਸ. ਨਗਰ।
(ਪ੍ਰਮੋਸ਼ਨ ਸੈੱਲ)

ਵੱਲ-
ਸਮੂਹ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈ.ਸਿ)/(ਐ.ਸਿ)
ਪੰਜਾਬ।

ਪੱਤਰ ਨੰਬਰ - (ਈ-1047075/2026)/(ਪ੍ਰੋ-3)/202633724
ਮਿਤੀ, ਐਸ.ਏ.ਐਸ. ਨਗਰ - 06.02.2026 / 07.02.2026

ਵਿਸ਼ਾ- ਮਾਸਟਰ ਕਾਡਰ ਦੀਆਂ ਪਦ-ਉੱਨਤੀਆਂ ਲਈ Punjab State Teacher Eligibility Test ਲਾਜ਼ਮੀ ਹੋਣ ਸਬੰਧੀ।

1.0 ਉਪਰੋਕਤ ਵਿਸ਼ੇ ਸਬੰਧੀ ਇਸ ਦਫ਼ਤਰ ਵੱਲੋਂ ਮੀਮੋ ਨੰਬਰ 19/23-16 ਅ-4 (5) ਮਿਤੀ 14.09.2017 ਰਾਹੀਂ RTE Act 2009 ਤਹਿਤ NCTE ਦੇ ਨੋਟੀਫਿਕੇਸ਼ਨ ਦੀ ਮਿਤੀ 23.08.2010 ਅਤੇ ਪਹਿਲੇ PSTET ਦੇ ਘੋਸ਼ਿਤ ਕਰਨ ਦੀ ਮਿਤੀ 30.07.2011 ਤੋਂ ਬਾਅਦ ਸੇਵਾ ਵਿੱਚ ਆਏ ਕਰਮਚਾਰੀਆਂ ਨੂੰ PSTET ਪਾਸ ਕਰਨ ਤੋਂ ਛੋਟ ਦਿੱਤੀ ਗਈ ਸੀ।

2.0 ਮਾਨਯੋਗ ਸੁਪਰੀਮ ਕੋਰਟ ਵੱਲੋਂ ANJUMAN-E-ISHAT V/s State of Maharashtra and Others ਵਿੱਚ ਦਿੱਤੇ ਗਏ ਫੈਸਲੇ / ਮਿਤੀ 01.09.2025 ਅਨੁਸਾਰ ਮਾਸਟਰ ਕਾਡਰ ਦੀਆਂ ਨਿਯੁਕਤੀਆਂ / ਪਦ-ਉੱਨਤੀਆਂ ਲਈ PSTET-2 ਪਾਸ ਕਰਨਾ ਲਾਜ਼ਮੀ ਕਰਾਰ ਦਿੱਤਾ ਗਿਆ ਹੈ। ਮਾਨਯੋਗ ਸੁਪਰੀਮ ਕੋਰਟ ਦੇ ਇਸ ਫੈਸਲੇ ਦੇ ਆਧਾਰ ਤੇ ਇਸ ਦਫ਼ਤਰ ਵੱਲੋਂ ਜਾਰੀ ਪੱਤਰ / ਮੀਮੋ ਨੰਬਰ 19/23-16 ਅ-4 (5) ਮਿਤੀ 14.09.2017 ਰੱਦ ਕੀਤਾ ਜਾਂਦਾ ਹੈ।

3.0 ਉਕਤ ਤੋਂ ਇਲਾਵਾ, ਮਾਨਯੋਗ ਸੁਪਰੀਮ ਕੋਰਟ ਦੇ ਉਕਤ ਵਰਣਿਤ ਫੈਸਲੇ ਦੇ ਆਧਾਰ ਤੇ ਇਹ ਵੀ ਲਿਖਿਆ ਜਾਂਦਾ ਹੈ ਕਿ ਜੋ ਕਰਮਚਾਰੀ ਮਾਸਟਰ ਕਾਡਰ ਵਿੱਚ ਪਦ-ਉੱਨਤੀ ਉਪਰੰਤ ਸੇਵਾ ਨਿਭਾ ਰਹੇ ਹਨ ਅਤੇ ਉਨ੍ਹਾਂ ਦੀ ਬਕਾਇਆ ਸੇਵਾ 5 ਸਾਲ ਤੋਂ ਵੱਧ ਹੈ, ਜੇਕਰ ਉਨ੍ਹਾਂ ਵੱਲੋਂ ਹੁਣ ਤੱਕ PSTET-2 ਪਾਸ ਨਹੀਂ ਕੀਤਾ ਗਿਆ ਹੈ, ਉਹ 2 ਸਾਲਾਂ ਦੇ ਅੰਦਰ PSTET-2 ਪਾਸ ਕਰਨਗੇ। ਅਜਿਹਾ ਨਾ ਕਰਨ ਦੀ ਸੂਰਤ ਵਿੱਚ ਵਿਭਾਗ ਵੱਲੋਂ ਮਾਨਯੋਗ ਸੁਪਰੀਮ ਕੋਰਟ ਦੇ ਫੈਸਲੇ ਅਨੁਸਾਰ ਅਗਲੇਰੀ ਕਾਰਵਾਈ ਅਮਲ ਵਿੱਚ ਲਿਆ ਦਿੱਤੀ ਜਾਵੇਗੀ। ਇਸ ਦੇ ਨਾਲ ਇਹ ਵੀ ਫੈਸਲਾ ਲਿਆ ਗਿਆ ਹੈ ਕਿ, ਕਿਉਂਜੋ ਵਿਭਾਗ ਵੱਲੋਂ ਸਾਲ 2025 ਦੌਰਾਨ PSTET-2 ਨਹੀਂ ਲਿਆ ਗਿਆ, ਇਸ ਲਈ ਜੋ ਕਰਮਚਾਰੀ ਮਿਤੀ 12.11.2025, 24.12.2025, 04.01.2026 ਅਤੇ 05.01.2026 ਦੇ ਹੁਕਮਾਂ ਅਧੀਨ ਪਦ-ਉੱਨਤੀ ਕੀਤੇ ਗਏ ਹਨ ਅਤੇ ਸੇਵਾ ਮੁਕਤ ਹੋ ਚੁੱਕੇ ਹਨ, ਉਨ੍ਹਾਂ ਨੂੰ PSTET-2 ਪਾਸ ਕਰਨ ਦੀ ਲੋੜ ਨਹੀਂ ਹੈ।

(ਹਸਤਾਖ਼ਰ)
ਡਾਇਰੈਕਟਰ ਸਕੂਲ ਐਜੂਕੇਸ਼ਨ (ਸੈਕੰਡਰੀ) ਪੰਜਾਬ।

ਪੰਜਾਬ ਸਿੱਖਿਆ ਵਿਭਾਗ ਵੱਲੋਂ ਵੱਡਾ ਫੈਸਲਾ: ਮਾਸਟਰ ਕਾਡਰ ਦੀਆਂ ਤਰੱਕੀਆਂ ਲਈ PSTET-2 ਹੁਣ ਲਾਜ਼ਮੀ

ਐਸ.ਏ.ਐਸ. ਨਗਰ, 7 ਫਰਵਰੀ 2026

ਪੰਜਾਬ ਦੇ ਸਕੂਲ ਸਿੱਖਿਆ ਵਿਭਾਗ (ਸੈਕੰਡਰੀ) ਵੱਲੋਂ ਅਧਿਆਪਕਾਂ ਦੀਆਂ ਪਦ-ਉੱਨਤੀਆਂ ਨੂੰ ਲੈ ਕੇ ਇੱਕ ਅਹਿਮ ਨੋਟਿਸ ਜਾਰੀ ਕੀਤਾ ਗਿਆ ਹੈ। ਨਵੇਂ ਹੁਕਮਾਂ ਅਨੁਸਾਰ, ਹੁਣ ਮਾਸਟਰ ਕਾਡਰ ਵਿੱਚ ਤਰੱਕੀ ਲੈਣ ਲਈ PSTET-2 (Punjab State Teacher Eligibility Test) ਪਾਸ ਕਰਨਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ।

ਮੁੱਖ ਨੁਕਤੇ:

• ਪੁਰਾਣਾ ਫੈਸਲਾ ਰੱਦ: ਵਿਭਾਗ ਨੇ 14 ਸਤੰਬਰ 2017 ਨੂੰ ਜਾਰੀ ਕੀਤਾ ਉਹ ਮੀਮੋ ਰੱਦ ਕਰ ਦਿੱਤਾ ਹੈ, ਜਿਸ ਵਿੱਚ ਅਧਿਆਪਕਾਂ ਨੂੰ PSTET ਤੋਂ ਛੋਟ ਦਿੱਤੀ ਗਈ ਸੀ।
• ਸੁਪਰੀਮ ਕੋਰਟ ਦਾ ਹਵਾਲਾ: ਇਹ ਫੈਸਲਾ ਮਾਨਯੋਗ ਸੁਪਰੀਮ ਕੋਰਟ ਵੱਲੋਂ 1 ਸਤੰਬਰ 2025 ਨੂੰ ਸੁਣਾਏ ਗਏ ਫੈਸਲੇ ਦੇ ਆਧਾਰ 'ਤੇ ਲਿਆ ਗਿਆ ਹੈ।
• 2 ਸਾਲਾਂ ਦਾ ਸਮਾਂ: ਉਹ ਕਰਮਚਾਰੀ ਜੋ ਪਹਿਲਾਂ ਹੀ ਤਰੱਕੀ ਲੈ ਚੁੱਕੇ ਹਨ ਅਤੇ ਜਿਨ੍ਹਾਂ ਦੀ ਸੇਵਾ 5 ਸਾਲ ਤੋਂ ਵੱਧ ਬਾਕੀ ਹੈ, ਉਨ੍ਹਾਂ ਨੂੰ 2 ਸਾਲਾਂ ਦੇ ਅੰਦਰ-ਅੰਦਰ ਇਹ ਟੈਸਟ ਪਾਸ ਕਰਨਾ ਪਵੇਗਾ।
• ਸੇਵਾਮੁਕਤ ਕਰਮਚਾਰੀਆਂ ਨੂੰ ਰਾਹਤ: ਜੋ ਕਰਮਚਾਰੀ ਸਾਲ 2025 ਅਤੇ ਜਨਵਰੀ 2026 ਦੌਰਾਨ ਤਰੱਕੀ ਪਾ ਕੇ ਸੇਵਾਮੁਕਤ ਹੋ ਚੁੱਕੇ ਹਨ, ਉਨ੍ਹਾਂ 'ਤੇ ਇਹ ਨਿਯਮ ਲਾਗੂ ਨਹੀਂ ਹੋਵੇਗਾ।

ਨੋਟ: ਇਹ ਹੁਕਮ ਡਾਇਰੈਕਟਰ ਸਕੂਲ ਸਿੱਖਿਆ (ਸੈਕੰਡਰੀ) ਪੰਜਾਬ ਵੱਲੋਂ ਜਾਰੀ ਕੀਤੇ ਗਏ ਹਨ।