ਸਿੱਖਿਆ ਮੰਤਰੀ ਪੰਜਾਬ ਨਾਲ ਐਲੀਮੈਂਟਰੀ ਟੀਚਰਜ ਯੂਨੀਅਨ ਪੰਜਾਬ (ਰਜਿ) ਦੀ ਨੰਗਲ ਵਿਖੇ ਹੋਈ ਮੀਟਿੰਗ - ਪੰਨੂ , ਲਾਹੌਰੀਆ
ਐਲੀਮੈਂਟਰੀ ਟੀਚਰਜ ਯੂਨੀਅਨ ਪੰਜਾਬ (ਰਜਿ) ਦੇ ਸੂਬਾ ਪ੍ਰੈਸ ਸਕੱਤਰ ਦਲਜੀਤ ਸਿੰਘ ਲਹੌਰੀਆ ਨੇ ਦੱਸਿਆ ਕਿ ਪ੍ਰਾਇਮਰੀ ਪੱਧਰ ਦੇ ਭੱਖਦੇ ਮਸਲਿਆਂ ਨੂੰ ਲੈ ਕੇ ਹੋਈਆਂ ਅਹਿਮ ਵਿਚਾਰਾਂ ਅਤੇ ਕਈ ਮੰਗਾਂ ਤੇ ਸਹਿਮਤੀਆਂ ਪ੍ਰਾਇਮਰੀ ਦੀਆਂ ਹਰੇਕ ਤਰਾਂ ਦੀਆ ਪ੍ਰਮੋਸ਼ਨਾ ਅਤੇ ਬਦਲੀਆਂ ਦੀ ਚੱਲ ਰਹੀ ਪ੍ਰਕ੍ਰਿਆ ਜਲਦ ਕੀਤੀ ਜਾਵੇਗੀ ਮੁਕੰਮਲ:--- ਸਿਖਿਆ ਮੰਤਰੀ ਪੰਜਾਬ ਰਹਿੰਦੀਆਂ ਮੰਗਾਂ ਦੇ ਯੋਗ ਹੱਲ ਲਈ ਹੋਵੇਗੀ ਜਲਦ ਪੈਨਲ ਮੀਟਿੰਗ l ਅੱਜ ਐਲੀਮੈਂਟਰੀ ਟੀਚਰਜ ਯੂਨੀਅਨ ਪੰਜਾਬ (ਰਜਿ) ਦੇ ਸੂਬਾ ਪ੍ਰਧਾਨ ਹਰਜਿੰਦਰਪਾਲ ਸਿੰਘ ਪੰਨੂ ਤੇ ਦਲਜੀਤ ਸਿੰਘ ਲਹੌਰੀਆ ਦੀ ਅਗਵਾਈ ਵਿੱਚ ਅਹਿਮ ਭੱਖਦੇ ਮਸਲਿਆਂ ਨੂੰ ਲੈ ਕੇ ਵਫਦ ਵੱਲੋਂ ਸਿੱਖਿਆ ਮੰਤਰੀ ਪੰਜਾਬ ਹਰਜੋਤ ਸਿੰਘ ਬੈਂਸ ਨਾਲ ਮੀਟਿੰਗ ਹੋਈ। ਅੱਜ ਹੋਈੀ ਮੀਟਿੰਗ ਵਿੱਚ ਈ ਟੀ ਟੀ /ਹੈੱਡਟੀਚਰ /ਸੈਂਟਰ ਹੈੱਡਟੀਚਰ / ਬੀ ਪੀ ਈ ਓਜ ਅਤੇ ਪ੍ਰਾਇਮਰੀ ਵਰਗ ਚ ਕੰਮ ਕਰਦੇ ਸਭ ਅਧਿਆਪਕਾਂ ਦੀਆਂ ਵਿਭਾਗੀ ਤੇ ਵਿੱਤੀ ਮੰਗਾਂ ਤੇ ਖੁਲ ਕੇ ਵਿਚਾਰਾਂ ਹੋਈਆਂ । ਵਿੱਤੀ ਮੰਗਾਂ ਲਈ ਕੈਬਨਿਟ ਸਬ ਕਮੇਟੀ ਨਾਲ ਜਲਦ ਮੀਟਿੰਗ ਕਰਾਉਣ ਦੀ ਗੱਲ ਕਰਦਿਆਂ ਇਸਦੇ ਨਾਲ ਹੀ ਸਿੱਖਿਆ ਮੰਤਰੀ ਪੰਜਾਬ ਵੱਲੋ ਪ੍ਰਾਇਮਰੀ ਪੱਧਰ ਤੇ ਵਿਭਾਗੀ ਮਸਲਿਆਂ ਨੂੰ ਗੰਭੀਰਤਾ ਨਾਲ ਵਿਚਾਰ ਕਰਦਿਆਂ ਕਈ ਮੰਗਾਂ ਤੇ ਸਹਿਮਤੀਆਂ ਦੇਦਿਆ ਕਿਹਾ ਕਿ ਪ੍ਰਾਇਮਰੀ ਤੋ ਹਰੇਕ ਤਰਾਂ ਦੀਆ ਪ੍ਰਮੋਸ਼ਨਾ ਅਤੇ ਬਦਲੀਆਂ ਦੀ ਪ੍ਰਕ੍ਰਿਆ ਅਰੰਭ ਦਿੱਤੀ ਗਈ ਹੈ ਤੇ ਜਲਦ ਪ੍ਰਕ੍ਰਿਆ ਮੁਕੰਮਲ ਕੀਤੀ ਜਾ ਰਹੀ ਹੈ। ਤੇ ਸਿਖਿਆ ਮੰਤਰੀ ਵੱਲੋ ਇਹ ਵੀ ਕਿਹਾ ਕਿ ਰਹਿ ਗਏ ਜਿਲਿਆ ਵਿੱਚ ਹੈਡ ਟੀਚਰਜ /ਸੈਟਰ ਹੈਡ ਟੀਚਰਜ ਪੋਸਟਾਂ ਭਰਨ ਲਈ ਸਖਤ ਆਦੇਸ਼ ਦਿਤੇ ਗਏ ਹਨ। ਉਹਨਾਂ ਕਿਹਾ ਕਿ ਬਦਲੀਆ ਵਿੱਚ ਆ ਰਹੀਆਂ ਸਭ ਮੁਸ਼ਕਿਲਾ ਨੂੰ ਦੂਰ ਕੀਤਾ ਜਾਵੇਗਾ । ਅਤੇ ਰਹਿੰਦੀਆ ਮੰਗਾਂ ਦਾ ਜਲਦ ਹੋ ਰਹੀ ਅਗਲੀ ਪੈਨਲ ਮੀਟਿਗ ਚ ਯੋਗ ਹੱਲ ਕਰ ਦਿੱਤਾ ਜਾਵੇਗਾ ਜਿਸ ਸਬੰਧੀ ਜਲਦ ਪੈਨਲ ਮੀਟਿੰਗ ਬੁਲਾਈ ਜਾ ਰਹੀ ਹੈ । ਅੱਜ ਦੀ ਮੀਟਿੰਗ ਚ ਯੂਨੀਅਨ ਵੱਲੋ ਜੋ ਹੋਰ ਮੰਗਾਂ ਰੱਖੀਆਂ ਗਈਆ ਉਹਨਾਂ ਚ
ਪ੍ਰਾਇਮਰੀ ਪੱਧਰ ਤੇ ਸਿੱਖਿਆ ਸੁਧਾਰ ਲਈ ਅਧਿਆਪਕਾਂ ਨੂੰ ਪੂਰਨ ਰੂਪ ਨਾਲ ਬੱਚਿਆਂ ਦੀ ਸਿੱਖਿਆ ਨਾਲ ਜੋੜਨ ਲਈ ਗੈਰਵਿਦਿਅਕ ਕੰਮ ਅਤੇ ਬੀ ਐਲ ਓਜ ਡਿਊਟੀਆਂ ਸਮੇਤ ਸਭ ਡਿਊਟੀਆਂ ਬੰਦ ਕਰਵਾਉਣ , ਹੈੱਡਟੀਚਰ /ਸੈਂਟਰ ਹੈੱਡਟੀਚਰ /ਬੀ ਪੀ ਈ ਓਜ ਪ੍ਰਮੋਸ਼ਨਾ ਅਤੇ ਮਾਸਟਰ ਕੇਡਰ ਪ੍ਰਮੋਸ਼ਨਾ ਸਮਾਂਬੱਧ ਕਰਨ,ਹਰੇਕ ਈ ਟੀ ਟੀ ਅਧਿਆਪਕ ਨੂੰ ਸਮਾਂਬੱਧ ਸਕੇਲ ਦੇਣ ਸਬੰਧੀ , 1904 ਹੈੱਡਟੀਚਰ ਪੋਸਟਾਂ ਮੁੜ ਬਹਾਲ ਕਰਨ ਅਤੇ ਹੈੱਡਟੀਚਰ ਦੀ ਪੋਸਟ ਪ੍ਰਬੰਧਕੀ ਕਰਨ ,ਬੀ ਪੀ ਈ ਓਜ 90 % ਪ੍ਰਮੋਸ਼ਨ ਕੋਟਾ ਕਰਨ ਦਾ ਨੋਟੀਫਿਕੇਸ਼ਨ ਕਰਨ , ਬੀ ਪੀ ਈ ਓ ਨੂੰ ਗਜਟਿਡ ਅਧਿਕਾਰੀ ਐਲਾਨ ਕੇ ਪ੍ਰਿੰਸੀਪਲ ਬਰਾਬਰ ਸਕੇਲ ਕਰਨ ਅਤੇ ਪ੍ਰਮੋਸ਼ਨ ਚੈਨਲ ਡਾਇਰੈਕਟੋਰੇਟ ਪੱਧਰ ਤੱਕ ਕਰਨ ਮਾਸਟਰ ਕਾਡਰ ਪ੍ਰਮੋਸ਼ਨਾ ਜਲਦ ਕਰਨ ਦੇ ਨਾਲ ਫਾਈਨ ਆਰਟਸ ਅਧਿਆਪਕਾਂ ਨੂੰ ਆਰਟ ਕਰਾਫਟ ਵਜੋਂ ਅਤੇ ਵੋਕੇਸ਼ਨਲ ਯੋਗਤਾ ਪੂਰੀ ਕਰਦੇ ਅਧਿਆਪਕਾਂ ਨੂੰ ਵੀ ਮਾਸਟਰ ਕਾਡਰ ਚ ਵੋਕੇਸ਼ਨਲ ਪ੍ਰਮੋਟ ਕਰਨ, 17-7-2020 ਤੋਂ ਬਾਅਦ ਭਰਤੀ ਅਧਿਆਪਕਾਂ ਤੇ ਕੇਂਦਰੀ ਪੈਟਰਨ ਸਕੇਲ ਬੰਦ ਕਰਕੇ ਪੰਜਾਬ ਪੇ - ਸਕੇਲ ਲਾਗੂ ਕਰਨ । ਇੱਕੋ ਇਸ਼ਤਿਹਾਰ ਰਾਹੀਂ ਭਰਤੀ 180 ਟੈਟ ਪਾਸ ਈ ਟੀ ਟੀ ਅਧਿਆਪਕਾਂ ਤੇ ਵੀ ਮੁੱਢਲੇ ਨਿਯੁਕਤੀ ਪੱਤਰ ਦੀਆਂ ਸ਼ਰਤਾਂ ਬਹਾਲ ਰੱਖ ਕੇ ਪੰਜਾਬ ਸਕੇਲ ਲਾਗੂ ਕਰਨ , 6635 ਈ ਟੀ ਟੀ ਭਰਤੀ ਚ ਰੀਕਾਸਟ ਕੈਟਾਗਿਰੀਜ ਅਧੀਨ ਭਰਤੀ ਅਧੀਨ 106 ਈ ਟੀ ਟੀ ਅਧਿਆਪਕਾਂ ਨੂੰ ਸੇਵਾਵਾਂ ਖਤਮ ਕਰਨ ਲਈ ਜਾਰੀ ਪੱਤਰ ਵਾਪਿਸ ਲੈਕੇ ਸੇਵਾਵਾਂ ਜਾਰੀ ਰੱਖੀਆਂ ਜਾਣ,ਪ੍ਰਾਇਮਰੀ ਪੱਧਰ ਤੇ ਜਮਾਤਵਾਰ ਅਧਿਆਪਕ ਦੇਣ ਅਤੇ ਵਿਦਿਆਰਥੀ ਅਨੁਪਾਤ 1:20 ਕਰਨ ਅਤੇ ਹਰੇਕ ਸਕੂਲ ਚ ਮੁੱਖ ਅਧਿਆਪਕ ਦੇਣ , ਪ੍ਰੀ - ਪ੍ਰਾਇਮਰੀ ਪੱਧਰ ਤੇ ਘੱਟੋ ਘੱਟ 2 ਅਧਿਆਪਕ ਤੇ ਇੱਕ ਹੈਲਪਰ ਦੇਣ, ਸੈਂਟਰ ਸਕੂਲਾਂ ਅਤੇ ਸਕੂਲਾਂ ਚ ਡਾਟਾ ਐਂਟਰੀ ਅਪਰੇਟਰ ਕਮ ਕਲਰਕ ਪੋਸਟ ਦੇਣ ਸਬੰਧੀ, ਪ੍ਰਾਇਮਰੀ /ਪ੍ਰੀ- ਪ੍ਰਾਇਮਰੀ ਪੱਧਰ ਤੇ ਰਹਿੰਦੀਆਂ ਨਵੀਂ ਭਰਤੀ ਮੁਕੰਮਲ ਕਰਨ ਅਤੇ ਕੱਚੇ ਅਧਿਆਪਕਾਂ ਨੂੰ ਪੂਰੇ ਲਾਭਾਂ ਸਮੇਤ ਪੱਕੇ ਕਰਨ,ਪ੍ਰਾਇਮਰੀ ਪੱਧਰ ਤੇ ਕੰਮ ਕਰਦੇ ਅਸੋਸੀਏਟ ਅਤੇ ਅਸਿਸਟੈਂਟ ਅਸੋਸੀਏਟ ਅਧਿਆਪਕਾਂ ਉੱਪਰ ਸੇਵਾ ਨਿਯਮ ਲਾਗੂ ਕਰਦਿਆਂ ਰੈਗੂਲਰ ਕਰਨ /ਨਾਨ ਟੀਚਿੰਗ ਸਟਾਫ ਨੂੰ ਪੂਰੇ ਲਾਭਾਂ ਸਮੇਤ ਰੈਗੂਲਰ ਕਰਨ ਅਤੇ ਰਹਿੰਦੇ 120 ਐਸ ਟੀ ਆਰ ਵਲੰਟੀਅਰ ਨੂੰ ਰੈਗੂਲਰ ਕਰਨ, ਅਧਿਆਪਕਾਂ ਦੇ ਜਿਲ੍ਹਾ ਪ੍ਰੀਸ਼ਦ ਸਮੇਂ ਦੇ ਰਹਿੰਦੇ ਬਕਾਏ ਅਤੇ ਹੋਰ ਵੀ ਹਰੇਕ ਤਰਾਂ ਦੇ ਬਕਾਏ ਦੇਣ,ਖੇਡਾਂ ਪ੍ਰਫੁਲਤ ਕਰਨ ਲਈ ਬਲਾਕ ਪੱਧਰ ਤੇ ਡੀ ਪੀ ਈ ਅਤੇ ਸੈਂਟਰ ਪੱਧਰ ਤੇ ਪੀ ਟੀ ਆਈ ਤੁਰੰਤ ਭਰਤੀ ਕਰਨ, ਸਕੂਲੀ ਵਾਤਾਵਰਣ ਸੋਹਣਾ ਬਣਾਉਣ ਲਈ ਸਕੂਲ ਚ ਸਫਾਈ ਸੇਵਿਕਾ/ਮਾਲੀ ਦੇਣ ਮਾਸਟਰ ਕੇਡਰ ਚ ਪ੍ਰਮੋਟ ਹੋਏ ਅਧਿਆਪਕਾਂ ਦੀ ਸੀਨੀਆਰਤਾ 75-25 ਰੇਸ਼ੋ ਤਹਿਤ ਕਰਨ, ਅਧਿਆਪਕ ਬਦਲੀਆਂ ਕਰਨ ਅਤੇ ਘਰਾਂ ਦੇ ਨੇੜੇ ਲਗਾਉਣ ਅਤੇ ਮਹਿਲਾ ਅਧਿਆਪਕਾਂ ਨੂੰ ਇੱਕ ਵਿਸ਼ੇਸ ਮੌਕਾ ਦੇ ਕੇ ਸੀਨੀਅਤਰਤਾ ਬਣਦੀ ਜਗ੍ਹਾ ਫਿਕਸ ਕਰਨ ,ਪ੍ਰਾਇਮਰੀ ਪੱਧਰ ਤੇ ਮਿਡ ਡੇ ਮੀਲ ਕੁਕਿੰਗ ਕਾਸਟ ਅਤੇ ਫਰੂਟ ਦੀ ਰਾਸ਼ੀ ਵਧਾਉਣ, ਵਿਦੇਸ਼ ਛੁੱਟੀ ਤੇ ਬੱਚਾ ਸੰਭਾਲ ਛੁੱਟੀ ਦਾ ਅਧਿਕਾਰ ਡੀ ਡੀ ਓਜ ਨੂੰ ਦੇਣ, ਮੈਡੀਕਲ ਕਲੇਮ ਪੂਰਤੀ ਲਈ ਕਾਰਵਾਈ ਤੇਜ ਕਰਨ। ਇਸ ਤੋ ਇਲਾਵਾ ਸਰਕਾਰ ਤੇ ਵਿੱਤ ਵਿਭਾਗ ਨਾਲ ਸਬੰਧਿਤ ਮੰਗਾਂ ਪੁਰਾਣੀ ਪੈਨਸ਼ਨ ਸਕੀਮ ਬਹਾਲ ਕੀਤੀ ਜਾਵੇ ,ਛੇਵੇ ਪੇ ਕਮਿਸ਼ਨ ਵੱਲੋ ਪ੍ਰਾਇਮਰੀ ਪੱਧਰ ਤੇ ਕੰਮ ਕਰਦੇ ਈ ਟੀ ਟੀ ,ਹੈੱਡਟੀਚਰ , ਸੈਂਟਰ ਹੈੱਡਟੀਚਰ , ਬੀ ਪੀ ਈ ਓਜ ਨੂੰ ਦਿੱਤੇ ਵੱਧ ਗੁਣਾਂਕ ਨੂੰ ਲਾਗੂ ਕਰਕੇ ਬਕਾਏ ਤੁਰੰਤ ਦੇਣ ਅਤੇ ਸਤਵੇਂ ਪੇ ਕਮਿਸ਼ਨ ਦਾ ਜਲਦ ਗਠਨ ਕਰਨ ,ਬੰਦ ਕੀਤੇ ਪੇਂਡੂ ਭੱਤੇ ,ਬਾਰਡਰ ਭੱਤੇ ,ਅੰਗਹੀਣ ਭੱਤੇ ਲਾਗੂ ਕਰਨ ਅਤੇ ਰਹਿੰਦੀਆਂ ਡੀ ਏ ਦੀਆਂ ਕਿਸ਼ਤਾਂ ਜਾਰੀ ਕਰਕੇ ਬਣਦੇ ਬਕਾਏ ਦੇਣ, ਏ ਸੀ ਪੀ ਲਾਗੂ ਕਰਕੇ ਅਗਲੇ ਗ੍ਰੇਡ ਦੇਣ , ਈ ਟੀ ਟੀ ਨੂੰ ਆਰਟ ਕਰਾਫਟ ਤੋ ਵੱਧ ਹੈੱਡਟੀਚਰ ਨੂੰ ਮਾਸਟਰ ਬਰਾਬਰ ਸਕੇਲ ਦੇਣ , ਸੈਂਟਰ ਹੈੱਡਟੀਚਰ ਨੂੰ ਹੈਡ ਮਾਸਟਰ ਦੇ ਬਰਾਬਰ ਅਤੇ ਬੀ ਪੀ ਈ ਓ ਨੂੰ ਗਜਟਿਡ ਅਧਿਕਾਰੀ ਐਲਾਨ ਕੇ ਪ੍ਰਿੰਸੀਪਲ ਬਰਾਬਰ ਸਕੇਲ ਦੇਣ ਤੇ ਤੇ ਡਿਪਟੀ ਬੀ ਪੀ ਈ ਓਜ ਪੋਸਟ ਦੇਕੇ ਵਿਸ਼ੇਸ਼ ਭੱਤੇ ਦੇਣ , ਮੈਡੀਕਲ ਪ੍ਰਤੀ ਪੂਰਤੀ ਕਲੇਮ ਦੀ ਜਗ੍ਹਾ ਇਲਾਜ ਲਈ ਹੈਲਥ ਕਾਰਡ ਜਾਰੀ ਕਰਨ , ਪ੍ਰੀ-ਪ੍ਰਾਇਮਰੀ ਅਧਿਆਪਕ ਅਤੇ ਹੈਲਪਰ ਦੀ ਬਣਦੇ ਰੈਗੂਲਰ ਗ੍ਰੇਡ ਵਿੱਚ ਭਰਤੀ ਕਰਨ ਦੀਆ ਮੰਗਾਂ ਵੀ ਧਿਆਨ ਚ ਲਿਆਕੇ ਕੈਬਨਿਟ ਸਬ ਕਮੇਟੀ ਅਤੇ ਸਰਕਾਰ ਤੋ ਹੱਲ ਕਰਾਉਣ ਲਈ ਸਿਖਿਆ ਮਂਤਰੀ ਪੰਜਾਬ ਕੋਲੋਂ ਸਿਫਾਰਿਸ਼ ਕਰਨ ਦੀ ਪੁਰਜੋਰ ਮੰਗ ਕੀਤੀ ਗਈ । ਅੱਜ ਦੀ ਮੀਟਿੰਗ ਚ ਸੂਬਾ ਪ੍ਰਧਾਨ ਹਰਜਿੰਦਰ ਪਾਲ ਸਿੰਘ ਪੰਨੂ, ਦਲਜੀਤ ਸਿੰਘ ਲਹੋਰੀਆ, ਸਤਵੀਰ ਸਿੰਘ ਰੌਣੀ , ਹਰਕ੍ਰਿਸ਼ਨ ਸਿਂਘ ਮੋਹਾਲੀ , ਗੁਰਿੰਦਰ ਸਿਂਘ ਘੁੱਕੇਵਾਲੀ , ਤਰਸੇਮ ਲਾਲ ਜਲੰਧਰ, ਮਨਜੀਤ ਸਿਂਘ ਕਠਾਣਾ , ਮਨਜੀਤ ਸਿੰਘ ਮਾਵੀ, ਜਤਿੰਦਰ ਪੰਡਿਤ ਚਮਕੌਰ ਸਾਹਿਬ, ਸੁਰਿੰਦਰ ਸਿੰਘ ਛਿੰਦਾ ,ਬਲਵੰਤ ਕੋਟਲੀ ਰਿਸ਼ੀ ਕੁਮਾਰ ਜਲੰਧਰ, ਹਰਵਿੰਦਰ ਸਿੰਘ ਹੈਪੀ,ਮਨਜੀਤ ਸਿੰਘ ਬੌਬੀ , ਸੋਹਣ ਸਿੰਘ ਕਰੌਦੀਆਂ,ਜਗਰੂਪ ਸਿੰਘ ਢਿੱਲੋਂ,ਜਗਮੋਹਣ ਸਿੰਘ ਘੁਡਾਣੀ , ਗੁਰਵਿੰਦਰ ਸਿੰਘ, ਰਜਵੰਤ ਸਿੰਘ ਬਨੂੜ ਤੇ ਕਈ ਹੋਰ ਆਗੂ ਸ਼ਾਮਿਲ ਸਨ ।
