ਭੁਚਾਲ ਚੇਤਾਵਨੀ ਸਿਸਟਮ ਦਾ ਅੱਜ ਟਰੈਲ ਕੀਤਾ ਗਿਆ
ਘਬਰਾਉਣ ਦੀ ਜਰੂਰਤ ਨਹੀ ਤੇ ਅਫਵਾਹਾਂ ਤੋਂ ਬਚੋ, ਮੈਸੇਜ਼ ਧਿਆਨ ਨਾਲ ਪੜੋ ਤੇ ਜਾਗਰੂਕ ਹੋਵੋ
ਬਟਾਲਾ, 29 ਸਤੰਬਰ ( ) ਭਾਰਤ ਸਰਕਾਰ, ਗ੍ਰਹਿ ਵਿਭਾਗ ਦੇ ਨੈਸ਼ਨਲ ਡਿਜ਼ਾਸਟਰ ਮੈਨੇਜਮੈਂਟ ਅਥਾਰਟੀ, ਨਵੀ ਦਿੱਲੀ ਅਤੇ ਨੈਸ਼ਨਲ ਸੈਂਟਰ ਫਾਰ ਸਿਸਮੋਲੋਜੀ ਦੇ ਸਹਿਯੋਗ ਨਾਲ ਭੁਚਾਲ ਚੇਤਾਵਨੀ ਸਿਸਟਮ ਦਾ ਅੱਜ ਟਰੈਲ ਕੀਤਾ ਗਿਆ। ਜਿਸ ਵਿਚ ਮੋਬਾਇਲ ਦੇ ਜ਼ਰੀਏ, ਗੂਗਲ ਐਂਡਰਾਇਡ ਉਪਭੋਗਤਾਵਾਂ ਨੂੰ ਆਪਣੇ ਖੇਤਰ ਵਿੱਚ ਭੁਚਾਲ ਆਉਣ 'ਤੇ ਆਟੋਮੈਟਿਕ ਸ਼ੁਰੂਆਤੀ ਚੇਤਾਵਨੀ ਅਲਰਟ ਭੇਜੇ ਗਏ ਤਾਂ ਜੋ ਨਾਗਰਿਕ ਚਿੰਤਨ ਹੋ ਕੇ ਤੁਰੰਤ ਸੁਰਿੱਖਆਂ ਉਪਾਵਾਂ ਨੂੰ ਅਪਨਾਉਣ।
ਭੁਚਾਲ ਚੇਤਾਵਨੀ ਸਿਸਟਮ ਇੱਕ ਪੂਰਕ ਸੇਵਾ ਹੈ ਜੋ ਦੁਨੀਆ ਭਰ ਵਿੱਚ ਭੁਚਾਲਾਂ ਦਾ ਪਤਾ ਲਗਾਉਣ ਅਤੇ ਅਨੁਮਾਨ ਲਗਾਉਣ ਲਈ ਐਂਡਰੌਇਡ ਸਮਾਰਟਫ਼ੋਨ ਵਿੱਚ ਸੈਂਸਰਾਂ ਦੀ ਵਰਤੋਂ ਕਰਦੀ ਹੈ ਅਤੇ ਇਸ ਦਾ ਉਦੇਸ਼ ਭੂਚਾਲ ਦੇ ਝਟਕੇ ਸ਼ੁਰੂ ਹੋਣ 'ਤੇ ਲੋਕਾਂ ਨੂੰ ਛੇਤੀ ਚੇਤਾਵਨੀ ਪ੍ਰਦਾਨ ਕਰਨਾ ਹੈ।
ਇਹ ਸਿਸਟਮ ਗੂਗਲ ਸਰਚ ਰਾਹੀਂ ਸਥਾਨਕ ਭੂਚਾਲ ਦੀਆਂ ਘਟਨਾਵਾਂ ਅਤੇ ਸੁਰੱਖਿਆ ਉਪਾਵਾਂ ਬਾਰੇ ਵੀ ਜਾਣਕਾਰੀ ਪ੍ਰਦਾਨ ਕਰੇਗਾ ਜਦੋਂ ਲੋਕ "ਮੇਰੇ ਨੇੜੇ ਭੁਚਾਲ" ਵਰਗੀਆਂ ਜਾਣਕਾਰੀ ਦੀ ਲਈ ਜਾ ਸਕਦੀ ਹੈ।
ਇਸੇ ਸਬੰਧੀ ਸਿਵਲ ਡਿਫੈਂਸ ਦੇ ਪੋਸਟ ਵਾਰਡਨ ਹਰਬਸ਼ਖ ਸਿੰਘ ਨੇ ਦਸਿਆ ਕਿ ਭਾਰਤ ਸਰਕਾਰ ਦਾ ਬਹੁਤ ਵਧੀਆ ਉਪਰਾਲਾ ਹੈ ਜਿਸ ਨਾਲ ਮੋਬਾਇਲ ਰਾਹੀ ਤੁਰੰਤ ਆਫਤ ਅਗਾਊ ਚਿਤਾਵਨੀ ਮਿਲਣ ‘ਤੇ ਆਫਤ ਸਬੰਧੀ ਸਾਵਧਾਨੀਆਂ ਵਰਤ ਕੇ ਜਾਨ ਮਾਲ ਦਾ ਨੁਕਸਾਨ ਘੱਟ ਕੀਤਾ ਜਾ ਸਕਦਾ ਹੈ। ਇਹਨਾਂ ਚੇਤਾਵਨੀਆਂ ਨੂੰ ਪੜ੍ਹਨ ਤੇ ਅਸਾਨੀ ਨਾਲ ਸਮਝਣ ਲਈ, ਸਥਾਨਿਕ ਭਾਸ਼ਾਵਾਂ ਵੀ ਹੋਣਗੀਆਂ। ਜਿਵੇਂ ਅੱਜ ਅੰਗਰੇਜੀ ਤੇ ਪੰਜਾਬੀ ਵਿਚ ਚਿਤਾਵਨੀ ਮੈਸੇਜ਼ ਆਇਆ।
ਅਗੇ ਉਹਨਾਂ ਦਸਿਆ ਕਿ ਕਈ ਨਾਗਰਿਕਾਂ ਦੇ ਫੋਨ ਆਏ, ਉਹ ਘਬਰਾ ਗਏ, ਇਹ ਕਿਹੋ ਜਿਹਾ ਮੈਸੇਜ਼ ਹੈ । ਕਈਆਂ ਨੇ ਤਾਂ ਆਪਣੇ ਮੋਬਾਇਲ ਸਵਿਚ ਹੀ ਆਫ ਕਰ ਦਿੱਤੇ ।
ਸੋ ਘਬਰਾਉਣ ਦੀ ਜਰੂਰਤ ਨਹੀ ਤੇ ਅਫਵਾਹਾਂ ਤੋਂ ਬਚੋ, ਮੈਸੇਜ਼ ਧਿਆਨ ਨਾਲ ਪੜੋ ਤੇ ਜਾਗਰੂਕ ਹੋਵੋ। ਇਹਨਾਂ ਕੁਦਰਤੀ ਜਾਂ ਗੈਰ ਕੁਦਰਤੀ ਆਫਤਾਂ ਨੂੰ ਨਿਜੱਠਣ ਲਈ, ਵਲੰਟੀਅਰ ਸੇਵਾਵਾਂ ਦੇਣ ਹਿਤ, ਨਾਗਰਿਕ ਸੁਰੱਖਿਆ ਦੇ ਗੁਰ ਸਿੱਖੋ ਤਾਂ ਹੀ ਅਸੀਂ ਆਪਣਾ ਬਣਦਾ ਫਰਜ਼ ਨਿਭਾ ਸਕਦੇ ਹਾਂ।
