ਐਲੀਮੈਂਟਰੀ ਟੀਚਰਜ ਯੂਨੀਅਨ ਅੰਮ੍ਰਿਤਸਰ (ਰਜਿ:) ਵੱਲੋਂ ਬੀਪੀਈਓਜ ਨੂੰ ਮੁਅੱਤਲ ਕਰਨ ਦੀ ਸ਼ਖਤ ਨਿਖੇਧੀ
ਮੁਅੱਤਲ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰਾਂ ਨੂੰ ਤੁਰੰਤ ਕੀਤੀ ਜਾਵੇ - ਪਨੂੰ , ਲਹੌਰੀਆ
ਬੀ ਪੀ ਈ ਓਜ ਵੱਲੋਂ ਰੋਸ ਵਜੋਂ ਕੀਤੇ ਜਾਣ ਵਾਲੇ ਕੋਈ ਵੀ ਪ੍ਰੋਗਰਾਮ ਜਾਂ ਸੰਘਰਸ਼ ਵਿੱਚ ਈ ਟੀ ਯੂ ਅੰਮ੍ਰਿਤਸਰ (ਰਜਿ) ਕਰੇਗੀ ਸਮਰਥਨ । ਐਲੀਮੈਂਟਰੀ ਟੀਚਰਜ ਯੂਨੀਅਨ ਅੰਮ੍ਰਿਤਸਰ (ਰਜਿ:) ਵੱਲੋਂ ਅੰਮ੍ਰਿਤਸਰ ਦੇ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰਾਂ ਨੂੰ ਸਿੱਖਿਆ ਵਿਭਾਗ ਦੇ ਉੱਚ ਅਧਿਕਾਰੀਆਂ ਵੱਲੋਂ ਮੁਅੱਤਲ ਕਰ ਦਿੱਤੇ ਜਾਣ ਬਾਅਦ ਰੋਸ ਪ੍ਰਗਟ ਕਰਦਿਆਂ ਕਿਹਾ ਕਿ ਉਪਰੋਕਤ ਅਧਿਕਾਰੀਆਂ ਨੂੰ ਬਿਨਾਂ ਪੜਤਾਲ ਮੁਅੱਤਲ ਕਰਨ ਨਾਲ ਜਿੱਥੇ ਪ੍ਰਾਇਮਰੀ ਵਰਗ ਅੰਦਰ ਰੋਸ ਹੈ ਉੱਥੇ ਜਦੋਂ ਕਿ ਸਕੂਲਾਂ ਅੰਦਰ ਪ੍ਰੀਖਿਆਵਾਂ ਦਾ ਸਮਾਂ ਹੈ ਅਤੇ ਪਹਿਲਾਂ ਹੀ ਜਿਲ੍ਹੇ ਵਿੱਚ ਬੀ ਪੀ.ਈ.ਓਜ.ਦੀਆਂ ਬਹੁਤ ਪੋਸਟਾਂ ਖਾਲੀ ਹਨ ਤਾਂ ਹੁਣ ਅਜਿਹੀ ਕਾਰਵਾਈ ਨਾਲ ਬਲਾਕ ਦਫਤਰਾਂ ਦੇ ਕੰਮਾਂ-ਕਾਜਾਂ ਅਤੇ ਪ੍ਰਬੰਧਾਂ ਤੇ ਮਾੜਾ ਅਸਰ ਪਵੇਗਾ।*
ਈ.ਟੀ.ਯੂ. ਦੇ ਆਗੂਆਂ ਨੂੰ ਮਿਲ ਕੇ ਉਕਤ ਬੀ.ਪੀ.ਈ. ਓਜ. ਨੇ ਕਿਹਾ ਕਿ ਹਮੇਸ਼ਾ ਹੀ ਬੱਚਿਆਂ ਦੀ ਵਰਦੀ ਸਕੂਲ ਪੱਧਰ ਤੇ ਖਰੀਦੀ ਜਾਂਦੀ ਹੈ, ਇਸ ਵਿਚ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰਾਂ ਨੇ ਕਦੀ ਵੀ ਦਖਲਅੰਦਾਜ਼ੀ ਨਹੀਂ ਕੀਤੀ ਜਦਕਿ ਪਹਿਲੀ ਵਾਰ ਪ੍ਰੀ - ਪ੍ਰਾਇਮਰੀ ਦੇ ਬੱਚਿਆਂ ਲਈ ਵਰਦੀ ਦੀ ਗ੍ਰਾਂਟ ਬੀ.ਪੀ.ਈ.ਓਜ. ਦੇ ਖਾਤਿਆਂ ਵਿੱਚ ਆਈ ਹੈ ਤਾਂ ਹੀ ਉਨ੍ਹਾਂ ਨੇ ਨਿਯਮਾਂ ਅਨੁਸਾਰ ਆਪਣੇ ਪੱਧਰ ਤੇ ਵਰਦੀ ਦੀ ਖਰੀਦ ਕਰਕੇ ਸਕੂਲਾਂ ਨੂੰ ਮੁਹੱਈਆ ਕਰਵਾਈ ਹੈ। ਪ੍ਰਭਾਵਿਤ ਅਫਸਰਾਂ ਦਾ ਪੱਖ ਸੁਣਨ ਉਪਰੰਤ ਐਲੀਮੈਂਟਰੀ ਟੀਚਰਜ ਯੂਨੀਅਨ (ਰਜਿ) ਦੇ ਆਗੂਆਂ ਨੇ ਸਿੱਖਿਆ ਮੰਤਰੀ ਪੰਜਾਬ ਅਤੇ ਉਚ ਸਿੱਖਿਆ ਅਧਿਕਾਰੀਆਂ ਤੋਂ ਮੁਅੱਤਲ ਕੀਤੇ ਗਏ ਅਧਿਕਾਰੀ ਤੁਰੰਤ ਬਹਾਲ ਕਰਨ ਦੀ ਮੰਗ ਕਰਦਿਆਂ ਇਹ ਵੀ ਕਿਹਾ ਕਿ ਮੁਅੱਤਲ ਹੋਣ ਵਾਲੇ ਬੀ ਪੀ ਈ ਓਜ ਵਿੱਚ ਸ਼ਾਮਲ ਮੈਡਮ ਰਵਿੰਦਰਜੀਤ ਕੌਰ ਭੁੱਲਰ ਦੀ ਸੇਵਾਮੁਕਤੀ 28 ਫਰਵਰੀ ਨੂੰ ਹੈ, ਜਿੰਨਾ ਨੇ ਆਪਣੀ ਲੰਮੀ ਸਰਵਿਸ ਦੌਰਾਨ ਤਨਦੇਹੀ ਨਾਲ ਕੰਮ ਕਰਦਿਆਂ ਸਟੇਟ ਅਵਾਰਡ ਅਤੇ ਕਈ ਪ੍ਰਸੰਸਾ ਪੱਤਰ ਪ੍ਰਾਪਤ ਕੀਤੇ ਹਨ। ਜਿਨ੍ਹਾਂ ਦੀ ਸੇਵਾਮੁਕਤੀ ਤੇ ਮਾਣ - ਸਤਿਕਾਰ ਦੇਣ ਦੀ ਜਗ੍ਹਾ ਮੁਅੱਤਲ ਕਰ ਦੇਣਾ ਅਤੀ ਮੰਦਭਾਗਾ ਹੈ।*
ਐਲੀਮੈਂਟਰੀ ਟੀਚਰਜ ਯੂਨੀਅਨ ਅੰਮ੍ਰਿਤਸਰ (ਰਜਿ) ਦੇ ਆਗੂਆਂ ਨੇ ਕਿਹਾ ਕਿ ਬੀ ਪੀ ਈ ਓਜ ਵੱਲੋਂ ਰੋਸ ਵਜੋਂ ਕੀਤੇ ਜਾਣ ਵਾਲੇ ਕੋਈ ਵੀ ਪ੍ਰੋਗਰਾਮ ਜਾਂ ਸੰਘਰਸ਼ ਵਿੱਚ ਐਲੀਮੈਂਟਰੀ ਟੀਚਰਜ ਯੂਨੀਅਨ ਅੰਮ੍ਰਿਤਸਰ (ਰਜਿ) ਹਰ ਪੱਖ ਤੋਂ ਸਮਰਥਨ ਕਰੇਗੀ।
ਅੱਜ ਇਸ ਮੌਕੇ ਸਾਂਝੇ ਤੌਰ ਤੇ ਬਿਆਨ ਜਾਰੀ ਕਰਨ ਵਾਲਿਆਂ ਵਿੱਚ ਈ ਟੀ ਯੂ ਦੇ ਆਗੂ ਹਰਜਿੰਦਰਪਾਲ ਸਿੰਘ ਪੰਨੂ ਸੂਬਾ ਪ੍ਰਧਾਨ, ਦਲਜੀਤ ਸਿੰਘ ਲਹੌਰੀਆ ਸੂਬਾ ਪ੍ਰੈਸ ਸਕੱਤਰ ,ਸਤਬੀਰ ਸਿੰਘ ਬੋਪਾਰਾਏ ਜਿਲ੍ਹਾ ਪ੍ਰਧਾਨ, ਗੁਰਿੰਦਰ ਸਿੰਘ ਘੁੱਕੇਵਾਲੀ ਸੂਬਾ ਮੀਡੀਆ ਇੰਚਾਰਜ,ਜਤਿੰਦਰਪਾਲ ਸਿੰਘ ਰੰਧਾਵਾ ,ਪਰਮਬੀਰ ਸਿੰਘ ਰੋਖੇ, ਨਵਦੀਪ ਸਿੰਘ, ਜਤਿੰਦਰ ਲਾਵੇਂ, ਗੁਰਪ੍ਰੀਤ ਸਿੰਘ ਥਿੰਦ, ਯਾਦਮਨਿੰਦਰ ਸਿੰਘ ਧਾਰੀਵਾਲ, ਤੇਜਇੰਦਰਪਾਲ ਸਿੰਘ ਮਾਨ, ਦਿਲਬਾਗ ਸਿੰਘ ਬਾਜਵਾ, ਸੁਖਦੇਵ ਸਿੰਘ ਵੇਰਕਾ, ਲਖਵਿੰਦਰ ਸਿੰਘ ਸੰਗੂਆਣਾ, ਗੁਰਪ੍ਰੀਤ ਸਿੰਘ ਵੇਰਕਾ, ਸਰਬਜੋਤ ਸਿੰਘ ਵਿਛੋਆ, ਜਗਮੋਹਨ ਸਿੰਘ,ਸੁਖਵਿੰਦਰ ਸਿੰਘ ਤੇੜੀ, ਗੁਰਲਾਲ ਸਿੰਘ ਸੋਹੀ, ਰਵਿੰਦਰ ਸ਼ਰਮਾ, ਪ੍ਰਮੋਦ ਸਿੰਘ, ਰਣਜੀਤ ਸਿੰਘ ਰਾਣਾ, ਜਸਵਿੰਦਰ ਸਿੰਘ ਜੱਸ, ਪਰਮਬੀਰ ਸਿੰਘ ਵੇਰਕਾ, ਸੁਖਜਿੰਦਰ ਸਿੰਘ ਦੂਜੋਵਾਲ, ਰਾਜਿੰਦਰ ਸਿੰਘ ਰਾਜਾਸਾਂਸੀ, ਰੁਪਿੰਦਰ ਸਿੰਘ ਰਵੀ, ਮਨਿੰਦਰ ਸਿੰਘ ,ਗੁਰਪ੍ਰੀਤ ਸਿੰਘ ਸਿੱਧੂ, ਮਲਕੀਤ ਸਿੰਘ, ਨਵਜੋਤ ਸਿੰਘ ਲਾਡਾ, ਦਲਜੀਤ ਸਿੰਘ ਰਈਆ,ਮਨੀਸ਼ ਸਲਹੋਤਰਾ, ਹਰਚਰਨ ਸਿੰਘ ਸ਼ਾਹ, ਸੁਖਜਿੰਦਰ ਸਿੰਘ ਹੇਰ, ਜਸਵਿੰਦਰਪਾਲ ਸਿੰਘ ਚਮਿਆਰੀ, ਲਖਵਿੰਦਰ ਸਿੰਘ ਦਹੂਰੀਆਂ, ਹਰਿੰਦਰਜੀਤ ਸਿੰਘ ਸੰਧੂ ,ਧਰਮਿੰਦਰ ਸਿੰਘ, ਗੁਰਮੁੱਖ ਸਿੰਘ ਕੌਲੌਵਾਲ, ਹਰਪ੍ਰੀਤ ਸਿੰਘ, ਲਵਪ੍ਰੀਤ ਸਿੰਘ ਢਪੱਈਆਂ, ਸਾਹਿਬ ਸਿੰਘ, ਜਗਦੀਪ ਸਿੰਘ ਭੋਏਵਾਲੀ, ਗੁਰਪ੍ਰੀਤ ਸਿੰਘ ਗੋਪੀ, ਕੰਵਲਜੀਤ ਸਿੰਘ ਰੋਖੇ, ਰਮਨਦੀਪ ਸਿੰਘ ਜੱਸੜ, ਰਣਜੀਤ ਸਿੰਘ ਰਾਣਾ, ਦਲਜਿੰਦਰ ਸਿੰਘ, ਬਲਜੀਤ ਸਿੰਘ ਧਾਰੀਵਾਲ, ਦਲਜੀਤ ਸਿੰਘ ਜਗਦੇਵ ਕਲਾਂ, ਇੰਦਰਪਾਲ ਸਿੰਘ ਬੋਹਲੀਆਂ, ਬਲਵਿੰਦਰ ਸਿੰਘ ਬੱਲ ਅਤੇ ਹੋਰ ਈ ਟੀ ਯੂ ਆਗੂ ਸ਼ਾਮਿਲ ਸਨ।*
