ਪੰਜਾਬ ਅਧਿਆਪਕ ਸਟੇਟ ਅਵਾਰਡ 2026: ਨਾਮੀਨੇਸ਼ਨ ਪ੍ਰਕਿਰਿਆ ਅਤੇ ਯੋਗਤਾ ਦੀਆਂ ਸ਼ਰਤਾਂ
ਦਫ਼ਤਰ ਡਾਇਰੈਕਟਰੇਟ ਆਫ਼ ਸਕੂਲ ਐਜੂਕੇਸ਼ਨ (ਸੈਕੰਡਰੀ) ਪੰਜਾਬ ਵੱਲੋਂ ਅਧਿਆਪਕ ਸਟੇਟ ਅਵਾਰਡ, ਯੰਗ ਟੀਚਰ ਅਵਾਰਡ, ਪ੍ਰਬੰਧਕੀ ਅਵਾਰਡ ਅਤੇ ਸਪੈਸ਼ਲ ਟੀਚਰ ਅਵਾਰਡ 2026 ਲਈ ਆਨਲਾਈਨ ਨਾਮੀਨੇਸ਼ਨ ਕਰਨ ਸਬੰਧੀ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਗਏ ਹਨ। ਜੇਕਰ ਤੁਸੀਂ ਵੀ ਇਹਨਾਂ ਅਵਾਰਡਾਂ ਲਈ ਨਾਮੀਨੇਸ਼ਨ ਕਰਨ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਹੇਠਾਂ ਦਿੱਤੀ ਜਾਣਕਾਰੀ ਨੂੰ ਧਿਆਨ ਨਾਲ ਪੜ੍ਹੋ।
ਮਹੱਤਵਪੂਰਨ ਮਿਤੀ: ਆਨਲਾਈਨ ਨਾਮੀਨੇਸ਼ਨ ਪੋਰਟਲ epunjabschool.gov.in 'ਤੇ ਮਿਤੀ 03.08.2026 ਤੱਕ ਖੁੱਲ੍ਹਾ ਹੈ।
1. ਨਾਮੀਨੇਸ਼ਨ ਸਬੰਧੀ ਜ਼ਰੂਰੀ ਹਦਾਇਤਾਂ (Nomination Guidelines)
- ਸੈਲਫ਼ ਅਪਲਾਈ ਨਹੀ ਕੀਤਾ ਜਾ ਸਕਦਾ: ਸਰਕਾਰ ਦੇ ਫੈਸਲੇ ਅਨੁਸਾਰ ਕੋਈ ਵੀ ਅਧਿਆਪਕ, ਸਕੂਲ ਮੁਖੀ ਜਾਂ ਪ੍ਰਬੰਧਕ ਖੁਦ ਸਟੇਟ ਅਵਾਰਡ ਲਈ ਅਪਲਾਈ ਨਹੀਂ ਕਰ ਸਕਦਾ।
- ਨਾਮੀਨੇਸ਼ਨ ਕੌਣ ਕਰ ਸਕਦਾ ਹੈ? ਕਿਸੇ ਵੀ ਅਧਿਆਪਕ/ਸਕੂਲ ਮੁਖੀ/ਪ੍ਰਬੰਧਕ ਦੀ ਨਾਮੀਨੇਸ਼ਨ ਦੂਸਰਾ ਅਧਿਆਪਕ, ਸਕੂਲ ਮੁਖੀ, ਇੰਚਾਰਜ, ਸਿੱਖਿਆ ਵਿਭਾਗ ਦੇ ਉੱਚ ਅਧਿਕਾਰੀ, ਜ਼ਿਲ੍ਹਾ ਸਿੱਖਿਆ ਅਫ਼ਸਰ, ਡਾਇਰੈਕਟਰ, ਜਾਂ ਡਾਇਰੈਕਟਰ ਜਨਰਲ ਸਕੂਲ ਸਿੱਖਿਆ/ਸਿੱਖਿਆ ਸਕੱਤਰ ਕਰ ਸਕਦੇ ਹਨ।
- ਹੱਥ ਲਿਖਤ ਰਿਪੋਰਟ: ਨਾਮੀਨੇਸ਼ਨ ਕਰਨ ਵਾਲੇ ਅਧਿਆਪਕ/ਅਧਿਕਾਰੀ ਨੂੰ ਉਸ ਅਧਿਆਪਕ/ਸਕੂਲ ਮੁਖੀ ਬਾਰੇ ਘੱਟੋ-ਘੱਟ 250 ਸ਼ਬਦਾਂ ਵਿੱਚ ਹੱਥ ਲਿਖਤ ਰਿਪੋਰਟ ਲਿਖਣੀ ਪਵੇਗੀ ਕਿ ਉਹ ਇਹ ਨਾਮੀਨੇਸ਼ਨ ਕਿਉਂ ਕਰਨਾ ਚਾਹੁੰਦੇ ਹਨ ਅਤੇ ਇਸ ਰਿਪੋਰਟ ਨੂੰ ਵੈੱਬਸਾਈਟ 'ਤੇ ਅਪਲੋਡ ਕਰਨਾ ਹੋਵੇਗਾ।
2. ਯੋਗਤਾ ਦੀਆਂ ਸ਼ਰਤਾਂ (Eligibility Criteria)
2.1 ਸਟੇਟ ਟੀਚਰ ਅਵਾਰਡ (State Teacher Award)
- ਸਾਰੇ ਸਕੂਲ ਮੁਖੀ, ਇੰਚਾਰਜ, ਪ੍ਰਬੰਧਕ ਅਤੇ ਅਧਿਆਪਕ, ਜਿਨ੍ਹਾਂ ਦੀ ਰੈਗੂਲਰ ਸਰਵਿਸ ਅਪਲਾਈ ਕਰਨ ਦੀ ਮਿਤੀ ਤੱਕ ਘੱਟੋ-ਘੱਟ 10 ਸਾਲ ਪੂਰੀ ਹੋ ਚੁੱਕੀ ਹੈ, ਉਹ ਯੋਗ ਹਨ।
- ਸਮੱਗਰਾ ਸਿੱਖਿਆ (Samagra Shiksha) ਅਤੇ PICTES ਅਧੀਨ ਕੰਮ ਕਰ ਰਹੇ ਅਧਿਆਪਕ ਵੀ 10 ਸਾਲ ਦੀ ਰੈਗੂਲਰ ਸਰਵਿਸ ਦੀ ਸ਼ਰਤ ਪੂਰੀ ਕਰਨ 'ਤੇ ਯੋਗ ਹਨ।
2.2 ਯੰਗ ਟੀਚਰ ਅਵਾਰਡ (Young Teacher Award)
- ਜਿਨ੍ਹਾਂ ਅਧਿਆਪਕਾਂ/ਸਕੂਲ ਮੁਖੀਆਂ ਦੀ ਰੈਗੂਲਰ ਸਰਵਿਸ 10 ਸਾਲ ਤੋਂ ਘੱਟ ਅਤੇ 3 ਸਾਲ ਤੋਂ ਵੱਧ ਹੈ ਅਤੇ ਉਨ੍ਹਾਂ ਨੇ ਆਪਣਾ ਪਰਖਕਾਲ (Probation Period) ਸਮਾਂ ਪਾਰ ਕਰ ਲਿਆ ਹੈ।
- ਸਮੱਗਰਾ ਅਤੇ PICTES ਅਧੀਨ ਕੰਮ ਕਰਦੇ ਅਧਿਆਪਕ ਵੀ ਇਹ ਸ਼ਰਤ ਪੂਰੀ ਕਰਨ 'ਤੇ ਅਪਲਾਈ ਕਰਨ ਦੇ ਯੋਗ ਹਨ।
2.3 ਪ੍ਰਬੰਧਕੀ ਅਵਾਰਡ (Administrative Award)
- ਮੁੱਖ ਦਫ਼ਤਰ ਦੇ ਸਿੱਖਿਆ ਅਧਿਕਾਰੀ, ਸਮੂਹ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈ.ਸਿ/ਐ.ਸਿ), ਉਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ, ਡਾਈਟ ਪ੍ਰਿੰਸੀਪਲਜ਼ ਅਤੇ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ (BPEO) ਜਿਨ੍ਹਾਂ ਨੇ ਮੁੱਖ ਦਫ਼ਤਰ ਜਾਂ ਜ਼ਿਲ੍ਹਿਆਂ ਵਿੱਚ ਘੱਟੋ-ਘੱਟ ਇੱਕ ਸਾਲ ਲਈ ਉਕਤ ਅਸਾਮੀਆਂ 'ਤੇ ਕੰਮ ਕੀਤਾ ਹੋਵੇ।
2.4 ਸਪੈਸ਼ਲ ਟੀਚਰ ਅਵਾਰਡ (Special Teacher Award)
- ਜੋ ਅਧਿਆਪਕ ਪੰਜਾਬ ਸਰਕਾਰ, ਪ੍ਰਸੋਨਲ ਵਿਭਾਗ ਵੱਲੋਂ ਮਿਤੀ 07-10-2022 ਨੂੰ ਜਾਰੀ ਨੋਟੀਫਿਕੇਸ਼ਨ ਰਾਹੀਂ ਸਿੱਖਿਆ ਵਿਭਾਗ ਵਿੱਚ ਸ਼ਾਮਿਲ ਕੀਤੇ ਗਏ ਹਨ, ਉਨ੍ਹਾਂ ਦੀ ਨਾਮੀਨੇਸ਼ਨ ਸਪੈਸ਼ਲ ਟੀਚਰ ਅਵਾਰਡ ਲਈ ਕੀਤੀ ਜਾ ਸਕਦੀ ਹੈ।
