ਵੱਡੀ ਖ਼ਬਰ: ਪੰਜਾਬ ਸਕੂਲ ਸਿੱਖਿਆ ਵਿਭਾਗ ਵੱਲੋਂ ਵੇਕੇਸ਼ਨਲ ਲੈਕਚਰਾਰਾਂ ਦੀ ਆਰਜ਼ੀ ਸੀਨੀਆਰਤਾ ਸੂਚੀ ਜਾਰੀ
ਐੱਸ.ਏ.ਐੱਸ. ਨਗਰ, 26 ਜੂਨ: ਪੰਜਾਬ ਦੇ ਡਾਇਰੈਕਟੋਰੇਟ ਆਫ ਸਕੂਲ ਐਜੂਕੇਸ਼ਨ (ਸੈਕੰਡਰੀ) ਦੇ ਵੇਕੇਸ਼ਨਲ ਸ਼ਾਖਾ ਵੱਲੋਂ ਰਾਜ ਦੇ ਵੇਕੇਸ਼ਨਲ ਲੈਕਚਰਾਰਾਂ ਦੀ ਨਵੀਂ ਆਰਜ਼ੀ (ਪ੍ਰੋਵੀਜ਼ਨਲ) ਸੀਨੀਆਰਤਾ ਸੂਚੀ ਜਾਰੀ ਕਰ ਦਿੱਤੀ ਗਈ ਹੈ। ਵਿਭਾਗ ਵੱਲੋਂ ਜਾਰੀ ਕੀਤੇ ਗਏ ਤਾਜ਼ਾ ਨੋਟਿਸ ਅਨੁਸਾਰ ਲੜੀ ਨੰਬਰ 855 ਤੋਂ ਬਾਅਦ ਵਾਲੇ ਕਰਮਚਾਰੀਆਂ ਦੀ ਇਹ ਸੂਚੀ ਵਿਭਾਗ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਉਪਲਬਧ ਕਰਵਾਈ ਗਈ ਹੈ। Download Vocational Lecturers Seniority here
ਇਤਰਾਜ਼ ਦਰਜ ਕਰਵਾਉਣ ਲਈ 6 ਜੁਲਾਈ ਤੱਕ ਦਾ ਸਮਾਂ
ਵਿਭਾਗ ਨੇ ਸਮੂਹ ਜ਼ਿਲ੍ਹਾ ਸਿੱਖਿਆ ਅਫ਼ਸਰਾਂ (ਸੈ.ਸਿੱ.) ਨੂੰ ਨਿਰਦੇਸ਼ ਦਿੱਤੇ ਹਨ ਕਿ ਜੇਕਰ ਕਿਸੇ ਵੇਕੇਸ਼ਨਲ ਲੈਕਚਰਾਰ ਦਾ ਨਾਂ ਇਸ ਸੂਚੀ ਵਿੱਚੋਂ ਰਹਿ ਗਿਆ ਹੈ, ਜਾਂ ਕਿਸੇ ਦੇ ਵੇਰਵੇ ਗਲਤ ਹਨ, ਤਾਂ ਉਹ 06 ਜੁਲਾਈ 2026 ਤੱਕ ਆਪਣੇ ਲੋੜੀਂਦੇ ਦਸਤਾਵੇਜ਼ਾਂ ਅਤੇ ਸਵੈ-ਸਪਸ਼ਟ ਟਿੱਪਣੀ ਸਮੇਤ ਆਪਣੇ ਇਤਰਾਜ਼ ਦਫ਼ਤਰ ਨੂੰ ਭੇਜ ਸਕਦੇ ਹਨ। ਇਸ ਤੋਂ ਇਲਾਵਾ, ਸਬੰਧਤ ਲੈਕਚਰਾਰ ਆਪਣੇ ਇਤਰਾਜ਼ ਵਿਭਾਗ ਦੀ ਈਮੇਲ ਆਈ.ਡੀ. vocdpi@gmail.com 'ਤੇ ਵੀ ਭੇਜ ਸਕਦੇ ਹਨ।
ਨੋਟਿਸ ਵਿੱਚ ਸਪਸ਼ਟ ਕੀਤਾ ਗਿਆ ਹੈ ਕਿ 6 ਜੁਲਾਈ 2026 ਤੋਂ ਬਾਅਦ ਪ੍ਰਾਪਤ ਹੋਣ ਵਾਲੇ ਕਿਸੇ ਵੀ ਇਤਰਾਜ਼ 'ਤੇ ਵਿਚਾਰ ਨਹੀਂ ਕੀਤਾ ਜਾਵੇਗਾ ਅਤੇ ਇਸ ਸੂਚੀ ਨੂੰ ਅੰਤਿਮ (ਫਾਈਨਲ) ਰੂਪ ਦੇ ਦਿੱਤਾ ਜਾਵੇਗਾ।
