ਹਰਿਆਣਾ 1 ਜਨਵਰੀ: ਹਰਿਆਣਾ ਦੇ ਭਿਵਾਨੀ ਜ਼ਿਲੇ ਦੇ ਤੋਸ਼ਾਮ ਇਲਾਕੇ 'ਚ ਸ਼ਨੀਵਾਰ ਸਵੇਰੇ 8:30 ਵਜੇ ਮਾਈਨਿੰਗ ਦੌਰਾਨ 20 ਤੋਂ 25 ਲੋਕਾਂ ਦੇ ਦੱਬੇ ਜਾਣ ਦੀ ਖਬਰ ਹੈ। ਫਿਲਹਾਲ ਤਿੰਨ ਮਜ਼ਦੂਰਾਂ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ। ਕਈ ਪੋਕਲੇਨ ਮਸ਼ੀਨਾਂ, ਟਰੱਕ ਅਤੇ ਹੋਰ ਵਾਹਨ ਵੀ ਸੈਂਕੜੇ ਟਨ ਵਜ਼ਨ ਵਾਲੇ ਪੱਥਰਾਂ ਦੇ ਹੇਠਾਂ ਦੱਬ ਗਏ ਹਨ ਜੋ ਪਹਾੜ ਦੀ ਚੀਰ ਨਾਲ ਡਿੱਗੇ ਹਨ।
ਇਸ ਦੇ ਨਾਲ ਹੀ ਪਹਾੜ ਦਾ ਜੋ ਹਿੱਸਾ ਡਿੱਗਿਆ ਹੈ, ਉਹ ਇੰਨਾ ਵੱਡਾ ਹੈ ਕਿ ਇਸ ਨੂੰ ਹਟਾਉਣ ਲਈ ਕਈ ਦਿਨ ਲੱਗ ਜਾਣਗੇ। ਪੁਲੀਸ ਅਤੇ ਪ੍ਰਸ਼ਾਸਨ ਨੇ ਮੀਡੀਆ ਦੇ ਮੌਕੇ ’ਤੇ ਜਾਣ ’ਤੇ ਪਾਬੰਦੀ ਲਾ ਦਿੱਤੀ ਹੈ।
