ਬ੍ਰੇਕਿੰਗ: ETT ਤੋਂ ਮਾਸਟਰ ਕੇਡਰ ਪ੍ਰਮੋਸ਼ਨ ਵਿੱਚ ਵੱਡਾ ਮੋੜ, ਸਟੇਸ਼ਨ ਚੋਣ ਬਾਰੇ ਨਵੀਂ ਅਪਡੇਟ
ਚੰਡੀਗੜ੍ਹ:
ਕੱਲ੍ਹ ਦੀਆਂ ਵੱਡੀਆਂ ਪ੍ਰਮੋਸ਼ਨ ਲਿਸਟਾਂ ਜਾਰੀ ਹੋਣ ਤੋਂ ਬਾਅਦ, ਪੰਜਾਬ ਸਿੱਖਿਆ ਵਿਭਾਗ ਵੱਲੋਂ ਇੱਕ ਹੋਰ ਅਹਿਮ ਅਤੇ ਤਾਜ਼ਾ ਅਪਡੇਟ ਸਾਹਮਣੇ ਆਈ ਹੈ। ਲੰਬੇ ਸਮੇਂ ਤੋਂ ਉਡੀਕੀਆਂ ਜਾ ਰਹੀਆਂ ਪ੍ਰਮੋਸ਼ਨਾਂ ਵਿੱਚੋਂ, ETT, HT, CHT ਅਤੇ ਗੈਰ-ਅਧਿਆਪਨ (Non-teaching) ਸਟਾਫ ਤੋਂ ਮਾਸਟਰ ਕੇਡਰ ਵਿੱਚ ਪ੍ਰਮੋਸ਼ਨ ਲਈ 'ਰਹਿ ਗਏ ਕੇਸਾਂ' (Left-out cases) ਦੀਆਂ ਲਿਸਟਾਂ ਆਉਣ ਵਾਲੇ 1-2 ਦਿਨਾਂ ਵਿੱਚ ਵਿਭਾਗ ਦੇ ਪੋਰਟਲ 'ਤੇ ਅਪਲੋਡ ਕਰ ਦਿੱਤੀਆਂ ਜਾਣਗੀਆਂ।
ਇਕੱਠੀ ਹੋਵੇਗੀ ਸਟੇਸ਼ਨ ਚੋਣ
ਸੂਤਰਾਂ ਅਨੁਸਾਰ, ਇਹ ਬਚੀਆਂ ਹੋਈਆਂ ਲਿਸਟਾਂ ਜਾਰੀ ਹੋਣ ਤੋਂ ਤੁਰੰਤ ਬਾਅਦ, ਸਾਰੇ ਪ੍ਰਮੋਟ ਹੋਏ ਅਧਿਆਪਕਾਂ ਲਈ 'ਇਕੱਠੀ' ਸਟੇਸ਼ਨ ਚੋਣ (Station Choice) ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ ਜਾਵੇਗੀ। ਇਸ ਨਾਲ ਸਾਰੇ ਅਧਿਆਪਕਾਂ ਨੂੰ ਬਿਨਾਂ ਕਿਸੇ ਭੇਦਭਾਵ ਦੇ ਸਟੇਸ਼ਨ ਚੁਣਨ ਦਾ ਬਰਾਬਰ ਮੌਕਾ ਮਿਲੇਗਾ।ETT ਤੋਂ ਮਾਸਟਰ ਕੇਡਰ ਨੂੰ ਤਰਜੀਹ
ਵਿਭਾਗ ਦੀ ਯੋਜਨਾ ਮੁਤਾਬਕ, ਸਟੇਸ਼ਨ ਚੋਣ ਦੀ ਇਸ ਇਕੱਠੀ ਪ੍ਰਕਿਰਿਆ ਵਿੱਚ, ETT ਤੋਂ ਮਾਸਟਰ ਕੇਡਰ ਵਿੱਚ ਪ੍ਰਮੋਟ ਹੋਣ ਵਾਲੇ ਅਧਿਆਪਕਾਂ ਦੀ ਸਟੇਸ਼ਨ ਚੋਣ ਸਭ ਤੋਂ ਪਹਿਲਾਂ ਕਰਵਾਈ ਜਾਵੇਗੀ।*ਜਿਨਾਂ ਅਧਿਆਪਕਾਂ ਦੀ ਪ੍ਰਮੋਸ਼ਨ ਬਣਦੀ ਸੀ ਪਰੰਤੂ ਕਿਸੇ ਵੀ ਕਾਰਨ ਉਹਨਾਂ ਦਾ ਪ੍ਰਮੋਸ਼ਨ ਲਿਸਟ ਵਿੱਚ ਨਾਮ ਨਹੀਂ ਆਇਆ ਉਹ ਅਧਿਆਪਕ ਮੇਲ ਤੇ ਆਪਣਾ ਨਾਮ,ਪਤਾ ਸਕੂਲ ਐਡਰੈਸ, ਸਨਿਆਰਤਾ ਨੰਬਰ ਅਤੇ ਮੌਜੂਦਾ ਪੋਸਟ ਸਭ ਕੁਝ ਲਿਖ ਕੇ ਮੇਲ ਕਰੋ।*
