ਹਰਿਆਣਾ ਕਾਂਸਟੇਬਲ ਭਰਤੀ ਪੇਪਰ ਲੀਕ ਹੋਣ ਤੋਂ ਬਾਅਦ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੀਆਂ ਪ੍ਰੀਖਿਆਵਾਂ ਦੇ ਪ੍ਰਸ਼ਨ ਪੱਤਰ ਲੀਕ ਹੋ ਗਏ ਹਨ। ਜੋ ਕਿ You tube ਚੈਨਲ ਤੇ ਵਾਇਰਲ ਹੋ ਰਹੇ ਹਨ।
6 ਵੀਂ ਤੋਂ 12 ਵੀਂ ਮੱਧਕਾਲੀ ਪ੍ਰੀਖਿਆਵਾਂ ਦਾ ਪੇਪਰ ਲੀਕ ਹੋ ਗਿਆ ਹੈ।
ਪ੍ਰੀਖਿਆਵਾਂ ਸੋਮਵਾਰ ਤੋਂ ਸ਼ੁਰੂ ਹੋਣੀਆਂ ਸਨ, ਪਰ ਐਤਵਾਰ ਨੂੰ ਪੇਪਰ ਲੀਕ ਹੋ ਗਿਆ। ਨਕਲ ਵਿਰੋਧੀ ਅਧਿਆਪਕ ਫਰੰਟ ਦੇ ਮੁਖੀ ਸੁਖਦਰਸ਼ਨ ਸਿੰਘ ਦੀ ਤਰਫੋਂ ਪੰਜਾਬ ਸਰਕਾਰ ਦੇ ਪ੍ਰਮੁੱਖ ਸਕੱਤਰ ਵਿੰਨੀ ਮਹਾਜਨ ਕੋਲ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ।
ਸ਼ਿਕਾਇਤ ਪੱਤਰ ਵਿੱਚ ਲਿਖਿਆ ਗਿਆ ਹੈ ਕਿ ਇਮਤਿਹਾਨ ਦੇ ਪ੍ਰਸ਼ਨ ਪੱਤਰ ਵਿਰਦੀ ਬਲੌਗਸ ਨਾਂ ਦੇ ਯੂਟਿਬ ਚੈਨਲ ਤੇ ਅਪਲੋਡ ਕੀਤੇ ਜਾਂਦੇ ਹਨ ਅਤੇ ਇਹ ਵੀ ਪੂਰੀ ਤਰ੍ਹਾਂ ਹੱਲ ਕੀਤੇ ਹੁੰਦੇ ਹਨ।ਾ
ਮਿਡ ਟਰਮ ਦੀ ਪ੍ਰੀਖਿਆ ਵਿੱਚ ਪਹਿਲੇ ਦਿਨ ਦਾ ਪੇਪਰ ਲੀਕ.
ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਪੇਪਰ 13 ਸਤੰਬਰ ਨੂੰ ਹੋਣਾ ਸੀ ਲੇਕਿਨ ਇੱਕ ਦਿਨ ਪਹਿਲਾਂ ਹੀ ਇਸ ਨੂੰ ਐਤਵਾਰ ਨੂੰ ਯੂਟਿਬ 'ਤੇ ਅਪਲੋਡ ਕੀਤਾ ਗਿਆ।
ਇਸ ਤਰ੍ਹਾਂ ਪੰਜਾਬ ਦੇ ਲੱਖਾਂ ਵਿਦਿਆਰਥੀਆਂ ਦੇ ਭਵਿੱਖ ਨਾਲ ਖਿਲਵਾੜ ਕੀਤਾ ਜਾ ਰਿਹਾ ਹੈ। ਕਿਉਂਕਿ ਬਹੁਤ ਸਾਰੇ ਬੱਚੇ ਚੈਨਲ ਤੋਂ ਇਸ ਪੇਪਰ ਦੀ ਮੰਗ ਕਰ ਰਹੇ ਹਨ।
ਸੁਖਦਰਸ਼ਨ ਸਿੰਘ ਅਨੁਸਾਰ ਮੱਧਕਾਲੀ ਪ੍ਰੀਖਿਆਵਾਂ ਅੱਜ ਤੋਂ ਸ਼ੁਰੂ ਹੋ ਗਈਆਂ ਹਨ। ਸਵੇਰ ਦੇ ਸੈਸ਼ਨ ਵਿੱਚ 8 ਵੀਂ ਗਣਿਤ ਅਤੇ 10 ਵੀਂ ਸਾਇੰਸ ਦਾ ਪੇਪਰ ਸੀ।
ਜਿਵੇਂ ਹੀ ਬੱਚਿਆਂ ਨੂੰ ਪੇਪਰ ਦਿੱਤਾ ਗਿਆ, ਉਹ ਹੈਰਾਨ ਰਹਿ ਗਏ। ਕਿਉਂਕਿ ਇਹ ਉਹੀ ਪੇਪਰ ਸੀ, ਜੋ YouTube ਚੈਨਲ ਤੇ ਅਪਲੋਡ ਕੀਤਾ ਗਿਆ ਸੀ।ਹੁਣ ਦੁਪਹਿਰ ਦੇ ਸੈਸ਼ਨ ਵਿੱਚ 6 ਵੀਂ ਅੰਗਰੇਜ਼ੀ, 8 ਵੀਂ ਪੰਜਾਬੀ ਅਤੇ 9 ਵੀਂ ਹਿੰਦੀ ਦਾ ਪੇਪਰ ਹੋਵੇਗਾ। ਜਿਨ੍ਹਾਂ ਨੂੰ ਲੀਕ ਦੱਸਿਆ ਜਾ ਰਿਹਾ ਹੈ।
